Ia njom mbak tame mblang padai mbuan si khut 

Mehit lac thun ni pandiak bhang, njom mbak rah tabiak khang nan ye jiak  2  bilan dahlau di  tuk ia mbak oh ka njom tame dom krong ribong, rahra di huyện Phụng Hiệp, tỉnh Hậu Giang samar pasiam veik ar pacang vil val bein, hamu piah khik ia taba dalam dom ribaong. Ong Nguyễn Văn Vinh daok di palei Thành Viên xã Tân Phước Hưng brei thau: Meng thau khik piah ia taba bak dalam dom bein nan ye urak ni, yaom lac pandiak bhang, ia mbak rah tabiak hkang, ye sang ong daok hu ginup ia pruh ka sa ha durian song makhut mbiah tal akaok bilan hajan: Tui kuhria mboh dahlau lac thun ni njom mbak rilo nan ye hulin pasioam veik dom ar piah khik ia pruh dalam bilan thu, meyah oh ngak yau nan, ia mbak tame ye khut  phun   jaruh hala bloh jaruh boh tra, nan ye drei brei kurhia dahlau ka nyu siam jang. Drei pok dom ar pacang tagok glong, cống ye hu tuk dalam song tuk langiu, oh brei ia tame tabiak. Meda hu ginup ia pruh  mbiah tal bilan hajan kayua mboh ia khik piah hu rilo.

Huyện Phụng Hiệp hu labaih 40 ribau  ha taneh ngak nong. Hadei di jiak sa bilan ia mbak njom tame, meng hu dom jalan ngak dahlau bo tal urak ni  dalam huyện oh ka gaok khat lihik meng pandiak bhang njom mbak rah tabiak. Ong Trần Văn Tuấn- Akaok jabat ngak nong song patagok palei pala huyện brei thau: Lingiu di bruk jak ba bhap binik kreik dom bọng, pasiam ar pacang di boh sang  piah khik ia taba ye palei samar tui iek  nồng độ mbak yaok harei, tuk mboh labik halei  nồng độ mbak tagok glong  mbuan si ngak kan kandah tal bruk  pala drak ye samar kreik dom cống pacang mbak veik.

Ong Tuấn brei thau: urak ni ia mbak  tui dom ribaong njom dalam tame  huyện song nồng độ tui kuhria meda tagok glong  dalam tuk vak tal. Kayua yau nan ye, palei dok peih ngak rilo jalan khik piah ia taba ka bhap bini piah pala drak: Tui kuhria thun ni  pandiak bhang njom mbak tagok tal tabung glong di bilan 3, nan ye urak ni khol hulin  dok pok glaong dom ar pacang mbak, bloh jak ba pacang dom ar di yaok sang piah khik ia taba. Gam saong nan hu pok panuac tagok urang pan akaok tỉnh brei pasiam veik dom bilai ba ia piah pabak siam ka mik va.

Piah khik caga jiak 30.000 ha taneh ngak nong mbuan gaok njom mbak meng ia ndik tasik Tây, dom puk palei dalam  tỉnh Hậu Giang kham merat peih ngak dom jalan piah pacang ia mbak, khik ia taba. Huyện Long Mỹ brei trun dom cống, mbeik labaih  40 đập thời vụ song dok ngak jiak  30 đập thời vụ mbang ka 2. Ban Vị Thanh brei kreik 26 cống hở rah tui krong Nước Đục hong krong  Cái Lớn. Ngan song dom palei njom mbak meng tasik biển Đông yau huyện Châu Thành, ban sit Ngã Bảy..., bhap bini khik ia dalam dom bein phun mbang boh song pacang dom nắp cống. Tỉnh Hậu Giang hu padang 5 tổ công nhân khik  cống hu 39 urang, khik iek tapak bruk peih, kreik 100 cống hở, 11 cống tròn di dom kraong ribaong tuk ia mbak njom tame, khik kajap bruk pacang ia mbak. Ong Lữ Văn Hùng - Bí thư Tỉnh ủy Hậu Giang brei thau:  “Dom cống, dom đập di tỉnh Hậu Giang jiak haong dom tỉnh daok tapen  atau dom krong njauk ia tasik sraiy tame  , tỉnh tacei pato ngak habar oh khat lihik ka bhap bini daok di labik njauk njom mbak. Gah ngak nong song patagok palei pala tui iek yaok harei bruk njom mbak di dom labik. Dom puk palei njauk khan brei mikva thau piah pacang caga, khik siam phun pala, oh lac tok pagam pambak tame karja”

Tui kuhria mboh dahlau di Đài Khí tượng Thủy văn tỉnh Hậu Giang, ia di angaok krong Hậu tui ia tasik Biển Đông, Biển Tây meda tagok samar  song glaong di abih lac dom harei  15-2; 30-2; 15-3 anak tal tui saka ia bilan. Ia mbak njom tame tỉnh Hậu Giang tapa vàm Cái Côn, Mái Dầm, sông Mang Cá, Ngã Năm, kênh Quản Lộ Phụng Hiệp, ngak kan kandah tapak tal  huyện Châu Thành, huyện Phụng Hiệp, sa binah di huyện Long Mỹ, ban sit  Long Mỹ, ban sit  Ngã Bảy. Angaok krong Cái Lớn, ia ndik meng Biển Tây ngak kan kandah tapak tal huyện Long Mỹ, huyện Vị Thủy, ban sit  Long Mỹ, ban Vị Thanh. Kayua yau nan ye, urang pan akaok tỉnh Hậu Giang hu panuac kakei dom puk palei, bhap bini samar pacang mbak song palih ruah tukvak lagaih piah khik ia taba caga ka tabung glong pandiak bhang njom mbak anak tal. Kayua pandiak bhang, njom mbak thun ni rah tabiak khang, dom chủ quan dalam bruk ni yaom lac sit di abih jeng meda ba tal khat lahik biak prong./.

Urang lang: Hanipha -4/3