Bilan tabau ini, Hậu Giang pala labaih 10.700ha, njauk tui bruk ba tabiak dalam thun. Pajaih tabau ROC 16, lac pajaih tabau tathak avar hu pala tal 60%; daok veik lac pajaih tabau tathak trung bình saong suai.

Tui ong Nguyễn Thế Tự - Phó akaok jabat ngak nong saong patagok palei pala huyện Phụng Hiệp: Kayua lingik pandiak, gam hu hajan meng akaok bilan, nan ye phun tabau tamuh siam. Ruak rỉ sắt dahlau daih hu mboh rilo di pajaih tabau ROC 16 ye thun ini meda lac oh hu, daong ka urang pala tabau trun hu phun jien. Năng suất tabau meda glaong jang thun bloh, tui kuhria hu labaih 95 tấn/ha.

Urak ini, 2 công ty tabau saradang di tỉnh lac Công ty Cổ phần Mía đường Cần Thơ (Casuco) saong Công ty TNHH Mía đường cồn Long Mỹ Phát (Losuco) njauk gauk ba tabiak yaom blei tabau ka urang ngak nong glaong jang yaom thun bloh. Ông Nguyễn Thế Tự daok brei thau lac:“Yaom blei thun bloh, thun 2016 lac 830 đồng, daok thun ini blei yaom 900 đồng lac hu yaom jang labaih 70 đồng/kg. Tui yaom yau ini mikva chreih chrai lô. Bilan tabau thun ini mikva hu laba yau thun bloh atau laba rilo jang”

Ong Trần Không Dận - Phó akaok UB bhap bini huyện Phụng Hiệp brei thau: Tapa pasang iek, urak ini tabau hu meng 8 tal 9 chữ đường, dom sang mac hu pambuak bruk blei taong abih. Thun ini huyện pala labaih 7.400 ha tabau, dalam nan hu jaik 5.500 ha daok dalam ar pacang, 2.000 ha daok lingiu. Tui kuhria mboh dahlau, thun ini dalam tỉnh meda hu ia ndik praong, ngak kan kandah tal bruk ngak nong, pala drak, dalam nan hu phun tabau. Urak ini huyên hu pambuak bruk haong dom sang mac saradang peih bruk khoanh vùng, parabha labik kaoh tabau cambaih laih tui yaok tukvak ka nyu lagaih, brei kaoh dahlau tabau lingiu ar pacang piah plaih ia ndik: “Tabau pala lingiu ar pacang lac tabau piah ngak saradang di sang mac saradang Long Mỹ Phát. Yau dom thun dahlau, sang mac saradang Long Mỹ Phát brei kaoh tabau di akaok bilan 9. Kol dahlak jeng hu tacei UB bhap bini dom  xã, ban sit tui iek kajap bruk thủy văn piah samar khan brei mikva thau. Kol dahlak jeng hu ngak bruk haong 2 sang mac saradang lac, meyah ia ndik mai dahlau jang, ye brei pala dahlau jang saong kaoh avar jang tabau  pala di labik ini”.

Ong Phạm Thanh Tâm daok di palei Thống Nhất, ban sit Cây Dương, huyện Phụng Hiệp brei thau: Yaok thun ong pala labaih 1 ha tabau. Urak ini yaom tagok tal labaih 1.300 đồng sa  kg. Tui yaom yau ini, ong laba hu labaih 100 triệu đồng/ha:

Piah ka bilan tabau hu jayah yau thun bloh, dom urang dang akaok tỉnh Hậu Giang hu panuac caong dom sang mac samar ngak salah bruk mbaoh tangin tame harak pambuak bruk blei tabau di bhap bini tui njauk bruk ba tabiak, saong jao ka Sở ngak nong saong patagok palaei pala tỉnh pambuak bruk haong karja palei saong dom sang mac saradang peih bruk parabha labik blei tabau tui yaok tukvak cambaih laih piah plaih bruk mikva pablei tabau daok meda, ngak patrun kein laba, jeng ye patrun áp lực ka urang kaoh tabau, lingiu di nan, brei patagok bruk dut iek chữ đường di dom sang mac piah ngak ka urang ngong, urang blei mboh sahanang hatai./.