Dom thun jaik di ini, bruk pato bruk ngak ka urang ngak di palei pala hu huyện Hoàng Su Phì (Hà Giang) peih ngak njauk haong hatai caong khin di yaok urang ngak pak yaok puk palei. Tui nan, bruk pato, tacei urang ngak pandar ilamu kỹ thuật tame raong glang, pala drak, ngak tabiak pandap panda saong pandar tukvak daok saoh piah duah jien tame.

     Dahlau si peih pato bruk ngak ka urang ngak di palei pala, huyện hu pandar dom gah pambuak pagam tal nao pasang iek, duah thau pak labik nan. Meng nan, huyện padang jalan ngak, peih dom tal pato bruk ngak tui ngành, nghề laghaih haong puk palei. Tapa pasang iek hu mboh, pak Hoàng Su Phì, urang ngak dalam gah ngak nông – ngak glai biak rilo. Piah pachreih bhap bani kham merat hu mbaok tame bac bruk ngak, huyện sangka peih dom tal pato bruk ngak pambuak pagam haong quy hoạch  di puk palei saong pabak hatai caong thau gah ilamu khoa học kỹ thuật. Tok kuhria dalam thun 2015, huyện peih hu 25 tal pato bruk ngak ka 750 urang (tagok 157 urang ngak dut haong thun 2014) tui bac dom ngành, nghề yau: raong anek dangko, ilamu sơ chế saong khik piah pandap mbang, pala te, ngak nong, ngak glai, raong ikan aia taba saong pacang caga ruak ka limo, kubao... Kadha njauk bui sambai nan lac hadei di tuk tamat blaoh dom tal bac bruk ngak, urang ngak hu bruk ngak saong hu jien mek tame nan lac 622 urang; dom urang hu pato bruk ngak nông – ngak glai hu pandar ilamu kỹ thuật tame bruk ngak mbang pala drak, daong patagok năng suất, patagok kein laba ka baoh sang saong ka puk palei.

      Dom tal pato bruk ngak daok hu ba nao tal puk palei piah pachreih urang bac, palaghaih daong ka urang ngak gam hu bac megru gam hu ngak bruk sang. Pagap yua baoh sang di sa-ai Giàng Sín Phòng, palei Hoàng Lao Chải, xã Thàng Tín. Hadei di tuk hu mbaok tame bruk raong glang, thú y peih pak xã meng bilan 3.2015; ngan haong ilamu bac hu, sa-ai pandar tame bruk raong glang di sang drei. Meng dom drei pabe pajaih akaok mereip, tal urak ini, tapol pabe di sang sa-ai hu tal 30 drei; hu yau nan oh lac meng pren yava, jien padai di sang sa-ai bo daok lac meng thau pandar ilamu raong glang, pacang caga jit ruak di sa-ai tame bruk ngak. sa-ai Phòng khan lac: Dahlau diah kayua oh ka hu ilamu raong glang nan ye pabe bhian njauk ruak, tapa tal bac thú y, sa-ai hu ilamu piah patagok bruk raong glang mek hu kein laba glaong di abih.

    Taphia bruk pato bruk ngak ka urang ngak palei pala, huyện daok kham merat peih ngak Đề án 844 di tỉnh. Thun bac 2015-2016, Pasak Giáo dục Thường xuyên huyện hu pambuak bruk haong dom sang bac pato bruk ngak dalam saong langiu  tỉnh peih dom tal pato bruk ngak ngan haong jalan ngak gam bac ilamo (nan lac danak dak bổ túc Trung học phổ thông) gam bac bruk ngak ngan haong trình độ trung cấp; taphia di nan, palih ruah dom ngành, nghề pato habar ka nyu njauk haong bruk di puk palei. Urak ini, Pasak daok peih 9 tal ngan haong 257 urang tui bac dom bruk ngak yau  lâm sinh, gia công ngak tabiak pandap panda meng kayau, pachreih nong, pachreih glai, raong glaong, thú y saong padang ngak công trình thủy lợi./.