Chi Cục khik caga alam moi truong tỉnh Bà Rịa-Vũng Tàu daok pasang iek meng halei mai ia nerak tathuak tabiak di labik brong ia 6

Mesup ni (26/3), Pasak pasang iek ruak kik TPHCM brei thau ka bruk sa urang njom Covid-19 lac urang tame VN suan hukum dok di ban raya . Urang ruak lac sa urang kamei, ndih tapui thun 1996, quốc tịch Việt Nam, lac jeing trang điểm, dok di Vĩnh Long. Harei 16-2, urang ni nao tapa suan hukum tal Campuchia ngak bruk trang điểm, hadei di nan mai veik VN suan hukum. Pagam tal urang ruak ni, TPHCM hu pacang caga Khách sạn Quốc Thái, di labik Trung Sơn, xã Bình Hưng, huyện Bình Chánh song hẻm 102 jalan Lê Văn Thọ, phường 11, quận Gò Vấp.

Pambuak tal dom urang njom Covid-19 birau mboh, Sở Y tế Hải Phòng duah hu 19 urang F1, ba nao daok karei. Taong abih F1 hu mek mẫu dut iek ruak, mboh âm tính ngan saong nCoV. Jabat chức năng iew taong abih dom urang hu taom gaok 2 urang kumei mai meng Capuchia di harei 22 tal harei 25 bilan 3 pambuak saong balai y tế labik drei daok piah khan brei thau saong hu tacei pato jalan pacang caga jit ka njauk.

Học viện Quân y harei ni hu klauk mbang ka 2 vắc xin Nanocovax ka 30 urang halan hatain di pasak Y tế huyện Bến Lức, Long An. Dalam vak tu ka 2, vắc xin Nanocovax hu klauk iek ka 280 urang halan hatain. Tui mintri Y tế, klauk iek vắc xin Nanocovax dok rah tabiak dalam siam lagaih. Tui kuhria vpuac bilan 4 meda hu tong yaom bruk klauk iek mbang ka 2. Meng akaok bilan 5, vắc xin Nanocovax hu klauk iek mbang ka 3. Meyah siam lagaih, puac bilan 9 hu ngak salah bruk klauk iek. Tuk nan Việt Nam meda ngak hu rilo vắc xin pacang Covid-19 akaok meti.

Chi Cục khik caga alam moi truong tỉnh Bà Rịa-Vũng Tàu daok pasang iek, duah thau meng halei mai ia nerak tathuak tabiak di labik brong ia 6, xã Tân Hải, ban sit Phú Mỹ. Sở Tài nguyên saong Môi trường pambuak saong cảnh sát alam moi truong hu pasang iek C.ty TNHH Nghê Huỳnh saong hu mboh labik ini hu 30 tấn pandap nguyen lieu ikan rilo janih. Ia nerak tathuak tabiak langiu tapak dalam tuk ngak bruk. Hu thau, binek padang ia ka 6 bhian mboh rilo mbang tathuak ia nerak tabiak, ba tal ikan raong metai rilo. Tỉnh Bà Rịa-Vũng Tàu njauk brei panduan ba dom labik ngak pandap ikan nao labik karei, buh tame yaok pluh tỉ đồng piah pasiam veik binek padang ia.

Di labik krong Rào Trăng, huyện Phong Điền, tỉnh Thừa Thiên Huế, gah dong duah urang gaok bala hu pambuak veik bruk duah urang lahik kayua glut jaleih danak dak di sang mac Thủy điện Rào Trăng 3. Dalam harei camereip, tuk kuac raok di bãi bồi, gah chức năng duah mboh pandap di menuac urang, radeih patuh, dom janih jamriak. Hadei di tuk duah angaok bãi bồi, dom gah hu ngak pathu jalan ia nduac song kuac duah labik ia dalam. Tukvak duah di bãi bồi ka sa tui kuhria dui atah dalam 5 harei.

Triều Tiên khan lac hu cuh iek janih vũ khí ba jalan mesruh birau di harei 25/3. Dua tên lửa cuh njauk labik atak di tasik gah esar taneh ia ini labaih 600km. UB Trung ương Đảng Lao động Triều Tiên brei thau bruk cuh iek nan, lac bruk ngak hu makna praong dalam peih ngak sarak ilamu công nghệ quốc phòng, hu ba tabiak di Nyaom roya mbang ka 8 di Đảng Lao động Triều Tiên.

Ndom ka bruk kapan pajeng pandap biak prong hu angan Ever Given gar pacang kênh đào Suez, jabat khik ramik kênh đào bahrau brei thau dom jalan ngak meda dong hu brei kapan. Min dom urang ilamu hu panuac lac, dom bruk sarong tagok oh ka peih ngak ba tal kan kandah jang. Jabat khik ramik kênh đào Suez khan lac bruk pajeng meng kapal daok brei padeih. Urak ni, dom sruh kapan njauk gar veik kayua bruk nan tagok tal 213 kapan. Bruk ni ngak kan kandah trak tal darak pasa xăng menyek.

Mbang hajan khang dui atah jaik dua adit rah tabiak di rilo bhum taneh tapen tasik gah Esar di Australia abih hu 3 harei, bhap bini dom labik daok gilac veik mai sang. Yau nan min, bruk khut khat hadei bala meng langik tasik biak trak, abih rilo tukvak piah pasiam. Di bang New South Wales, hu 2 urang metai, yaok ribau urang daok njauk ia sua pacang cakak, labaih 23.000 urang njauk pandon nao labik karei. Harei ini ( 26/3) lac harei ka 5 anek saih di 65 sang bac dalm bang oh ka nao sang bac hu./.

Urang lang: Hani Pha – Ái Nghiêm – 26/03 15:32:43