Dom khut khat kayua bala meng langik tasik di tỉnh Vĩnh Long tui kuhria lac labaih 331 tỷ đồng

Maong 12 meteh harei ini harei 15-8, di sang ngak ndam metai pakat negar, labik ka 5 Trần Thánh Tông, Hà Nội, di Hội trường Thống Nhất, ban raya Hồ Chí Minh haong di Hội trường 25B, jalan Quang Trung, ban sit Thanh Hóa, bruk truy điệu ong Lê Khả Phiêu, dahlau daih ngak TBT mBan CHTW Đảng Cộng sản Việt Nam hu mban CHTW Đảng, Quốc hội, akaok negar, Rajaei, UBTWMT negar Việt Nam haong anek taco gauk gar di ong peih ngak praong prang tui adat ngak ndam metai pakat negar. Tal maong 2 biar harei hu ba nao dar di taneh kubo Mai Dịch, Hà Nội. Bruk ravang ong Lê Khả Phiêu hu peih tabiak meng maong 8 mesup harei 14-8 tal moang 12 jla pandiak harei 15-8  di sang ngak ndam metai pakat negar, labik ka 5 Trần Thánh Tông (Hà Nội) saong di 2 labik hu ndom angaok nan. Rayo papar binguk Việt Nam haong rayo papar sap Việt Nam hu papar sap, papar binguk tapak bruk ravang, sirah, truy điệu haong bruk ba nao dar ong Lê Khả Phiêu.

Hội Liên hiệp dam dara Việt Nam pambuak bruk song mintri pato megru, Ủy Ban bangsa song  kapul Thiên Long bahrau peih họp báo ka danak dak “klah rabha song cei gru anai gru” thun 2020. Danak dak “Klah rabha song cei gru nai gru” pok meyaom dom gru pato dok pato bac di bhum atah bayah, bhum tapen negar, bhum palao kaoh, pabak hatai khin dalam bruk pato pakai hu maik ame sang bac pok meyaom. Jeng dalam mbang ni, danak dak hu pok meyaom dom cei gru anai gru lac urang bangsa takik hu rai duik kan kandah, gru pato hu tuk vak pato lavik thun, gru pato ranaih umo halan hatain ngak bruk di bhum  kinh tế - xã hội biak kan kandah, naih gheih dalam bruk pato pakai.

Kuhria meng akaok thun tal jhung bilan 7-2020, dom khut khat kayua bala meng langik tasik di tỉnh Vĩnh Long tui kuhria lac labaih 331 tỷ đồng. Bruk ngin rabuk, hajan praong, glut jaleih takai kraong, abih di nyu lac pandiak bhang saong ia njom mbak dak harei dak khang. Dalam nan hu 42 labik glut jaleih dalam hamu saong kraong praong ngak lahik 1.656m takai kraong, ribaong saong ar pacang, jalan nao mai, ngak kan kandah tal raidiuk bhap bini. Dalam bilan 7 meng blaoh, bala meng langik tasik ngak brei jaleih 214 mét, dalam nan hu ar pacang kraong Hậu, kraong Tân Dinh, kraong Trà Ngoa, kraong Trà Côn. Piah tani tanat raidiuk bhap bini, sahanag hatai ngak mbang pala drak, tỉnh hu kaoh tabiak meng kadung jien piah caga di karja tỉnh saong jien rik daong di bhap bini, kapul nyaom dom pakat haong dom doanh nghiệp daok dalam saong lingiu tỉnh.

Công an tỉnh Bình Phước bahrau brei thau bruk pasot hu pagam tal dom  bruk pablei salih lan đột biến gen. Tui nan, di rilo tỉnh ban dalam negar, dalam nan hu  Bình Phước mboh hu dom bruk pablei salih phun  lan đột biến gen hu yaom dom pluh triệu tal yaok pluh tỉ đồng. Min, dom bruk pablei salih ni oh cambaih lai, bingu lan hu brei yaom tui hatai. Nan lac jalan ka dom urang nan  “tagok yaom”, ngak brei urang mboh pachreih piah pachot. Rilo urang nyim jien piah blei  lan đột biến gen min hadei di nan oh pablei hu. Công an hu panuac kakei bhap bini tuk thau ka bruk pasot meblah mek drap ar di dom urang nan, samar khan brei thau piah hu jalan pacang cakak langyah.

Kayua jit Covid-19, mblang radaih Miền Đông bahrau daok di 9, TP HCM saong ban sit Dĩ An, Bình Dương, oh ka peih tabiak ngak di harei 15/8 yau kuhria dahlau. Jeng kayua Covid-19, rilo jalan radaih meng mblang radaih miền Đông urak ini (di quận Bình Thạnh) nao dom tỉnh gah brak kuhria salih tapa mblang radaih bahrau, urak ini bahrau hu 30% prein pajeng. Urak ini, menuac oh khin nao radaih. Rilo tỉnh ban kayua huac jit njom mbak jeng takik brei radaih tame.Pô padang ngak brei thau tukvak peih mblang radaih meda brei padeih tal tuk hu tacei pato meng Rajaei saong UBND TP HCM lac Covid-19 daok pasang iek hu saong oh hu urang njom mbak halei dalam bhap bini.

Meng harei 15/8, negar Anh tabiak bruk paatah di gauk 14 harei ka tong abih dom urang mai meng Prang kayua bruk njom COVID-19 di Prang biak glong. Brei panuac di mbang họp báo, Akaok mintri  pajeng ba Anh Gran Sáp brei thau, rajaei negar ni jeng pabak Hà Lan, Man-ta song 3 negar karei tame angandut iek jit di drei. Dahlau di nan, Tây Ban Nha song Bỉ hu ba tame dalam harak angan ni.Meng di sarak ni di Anh, gah Prang brei thau hu pandar dom jalan dreih yau nan. Prang lac negar hu tuai  Anh mai rivang main rilo dang ka 2 hadei di Tây Ban Nha. Dalam tuk nan, tuai  Prang tal  Anh rilo dang  ka 2, hadei di Mỹ.

Hadei di tuk camereip kurang biak rilo pataih pacang pabah, taneh ia Đức hu blei tame abih tih 2,5 tỷ blah pataih pacang mbaok. Kayua pataih pacang mbaok daok labaih rilo, rajaei Đức khin brei tapa gah Y tế Thế giới (WHO) alin hadiah 250 triệu blah yaom 275 triệu euro (325,3 triệu USD) brei ka dom taneh ia daok gaok kan kandah trak yau jit praong COVID-19.Tapa nan brei mboh bruk jum pataom haong dom taneh ia dalam bruk mesruh pacang virus SARS-CoV-2.

Kayua jit ruak Covid-19 rah tabiaik kan kandah, Rajaei Campuchia khang hatai brei padeih peih harei pataom ilamu pakacah ghe ngo meng kan - Bôn Ôm Túc (Bon Om Touk) 2020, sa dalam dom harei pataom ilamu prong abih dalam thun di bhap bini Campuchia piah pacang cakak bruk njom mbak di jit ruak ni. Rija pakacah ghe ngo -  Bon Om Touk (dok ieu lac rija ia) di Campuchia mai meng biak rilo dalam dak rai sajarah. Harei rija hu peihnjauk di tuk ia krong Mekong tame bilan thu ia di nyu, bhian tame bilan 11 tui saka ia harei yaok thun./.

Urang lang: M. Phương – Hani Pha – 15/08 09:30:47