Tal Urak ni, Hợp tác xã thanh long Mỹ Tịnh An ngak bruk hu jiak  10 thun, pachreih hu labaih  100 xã viên  lac dom sang bein pala phun thanh long di  huyện Chợ Gạo, tỉnh Tiền Giang song huyện Châu Thành, tỉnh Long An. Ni lac hợp tác xã “ kiểu bahrau” , pambuak song sang bein piah pala thanh long tui tanut  Global Gap piah pablei tabiak negar langiu, tapa dom  hợp đồng cambaih laih. Gah Hợp tác xã hu  trách nhiệm tacei jalan, tacei pato ilamu kỹ thuật, pabak vật tư, phun jien ka sang bein piah pala phun  thanh long song blei veik boh tuk tame bilan paik. Gah sang bein njauk ngak tui dom quy trình, tanut sản xuất GAP, khik ka boh thanh long hu an toàn sinh học, oh labaih khak, jru khik caga phun pala. Yaom lac yaom kaom boh thanh long oh tani tanat tui bilan, min Hợp tác xã thanh long Mỹ Tịnh An tuk halei jeng blei di  xã viên glong jang yaom drak pasa  meng  2.000-3.000 đồng/kg. Tuk yaom di drak pasa “laik”  biak beir, ye  hợp tác xã jeng dok blei di  xã viên tui yaom  biar di abih lac 10.000 đồng/kg. Meng dom siam lagaih ni nan ye sang  bein hu kak kajap song Hợp tác xã song pambak prong taneh bein  thanh long “pambuak gauk pala” jiak  100 ha. Yaok ha bein thanh long di xã viên  HTX laba hu labaih  800 triệu đồng/sa thun .  Ong Cao Văn Hiền, sang bein pala labaih  1 ha thanh long Global GAP di palei  Mỹ Khương, xã Mỹ Tịnh An, huyện Chợ Gạo jeng lac sa  xã viên di  Hợp tác xã thanh Long Mỹ Tịnh An, khan lac

Urang nong drei hu  HTX ye hu lagaih gah yaom kaom.  Bruk pablei oh daok huac hagait, pagap yau harei dahlau boh thanh long 2-3 ribau đồng/sa kg, oh thei blei  min HTX jeng dok blei 10 ribau  đồng/sa kg. Kein biak rilo, luac thun, luac bilan oh huac yaom lap. Bruk iek glang lac biak prong, pagap yau drei iek glang boh siam, njauk  tỉ lệ bingi  siam  ye HTX blei labaih  10 ribau  đồng/sa kg,  bruk prong nan lac năng suất glong jang urang, oh tuk halei nyu beir jang  .

Meng di tuk padang tagok tal urak ini, Hợp tác xã thanh long Mỹ Tịnh An oh padeih patagok, peih prong drak pasa song jeng sa dalam dom đơn vị kinh tế pambuak gauk patagok khang kajap di tỉnh Tiền Giang. Urak ni, boh thanh long hu Hợp tác xã buh tame kadung ba nao negar langiu pablei tapak di dom drak pasa  Mỹ song  Châu Âu. Ong Nguyễn Văn Năm, Chủ tịch UBND xã Mỹ Tịnh An brei thau, meng hu hợp

tác xã bo bruk pala thanh long tui jalan  GAP  dak harei dak pambak prong dalam sang bein pak ni. Meng nan dong ka bruk pala thanh long mek hu kein laba.

Hợp tác xã thanh long urak ni ngak bruk biak kein laba. Kayua boh  thanh long pala tui tanut  GAP pablei khang tabiak negar lingiu, dong ka mik va urang nong oh njauk  “ cung vượt cầu”. Anak tal khol hulin jak ba adei saai hợp tác xã kham merat khik ramik song peih prong hợp tác xã, dom  thành viên piah hu rilo menuac piah drei peih ngak mô hình GAP piah pala hu rilo baoh.

 Piah daong ka  Hợp tác xã thanh long Mỹ Tịnh Anh, huyện Chợ Gạo patagok, lac labik jia hatai di sang bein, tuk vak tapa dom pakat karja, dom gah chức năng biak sangka, dong ka bruk pambuak gauk pala ni. Tỉnh Tiền Giang hu phun jien  labaih  10 tỷ đồng meng danak dak  QSEP piah padang sang sơ chế, kho la-an  ka hợp tác xã.  Ong Văn Tấn Phương, Phó Giám đốc HTX thanh long Mỹ Tịnh An brei thau, lingiu di   boh thanh long Global GAP, Hợp tác xã dok pambuak song sang bein pala labaih 10 ha li-u hajao mek ia piah duh ka bruk pablei tabiak negar langiu. Anak tal, HTX daok peih prong xã viên, mblang taneh phun  thanh long song li-u; padang  cơ sở vật chất, peih prong drak pasa pablei pandap:

Drei patom tame bruk pala tui jalan hacih - Global GAP. Anak tal drei pataom tame duah urang blei rilo jang, peih prong kho, oh padeih patagok rilo jang thành viên, tagok rilo  xã viên jang piah ka mik va hu gam kein laba . Urak ni , jalan ngak di drei hu rilo kein lagaih, min kayua kho bãi oh ka peih prong hu nan ye xã viên oh ka peih prong rilo. Urak ni di labik halei hu urang nong tui jalan ngak ni, hu sang bein siam ye drei ngak.

Dalam tuk rilo Hợp tác xã, Tổ hợp tác sản xuất ngak nong di  tỉnh Tiền Giang jang yau dom tỉnh ban di bhum taneran krong  CL “ gaok kan kandah” kayua bruk pablei pandap oh tani tanat, ye Hợp tác xã  thanh long Mỹ Tịnh An tuk halei jeng dang kajap angaok drak pasa, tuk halei jeng nao gam haong sang bein, iek kein laba di  xã viên lac bruk sống còn di  Hợp tác xã. Ni lac jalan ngak di hợp tác xã tui jalan ngak bahrau, lagaih song jalan patagok di gah ngak nong hacih saat song salih bahrau ./.