Bahrau ini, sa rahra taduan hu phone di sa urang oh randap, khan lac suan dữ liệu, ieu tabiak jalan Nguyễn Cơ Thạch (quận Nam Từ Liêm, Hà Nội) piah ngak pasiam veik. Hadei di nan, urang jhak pato tacei salih dữ liệu meng atah piah pagait, meblah mek thong tin manuac urang. Kol pagait gam gam ieu phone, mek angan urang jakar ngak bruk di UBND phường, quận khan ka bruk suan dữ liệu; ieu pabak thông tin chứng minh nhân dân, pandar samar drah nao ngak căn cước công dân... piah klaik mek thong tin manuac urang piah ngak bruk jhak.

Cục Salamat thong tin, Mintri Thong tin saong Truyền thông kakei dom kapul nyaom, doanh nghiep, manuac urang njauk paglaong hatai sangka tuk taduan hu mbang ieu phone meng dom urang bo drei oh thau, ndem lac urang jakar ngak bruk di dom jabat Kanja, jabat tư pháp piah ieu đieu tra vụ án, taduan jien atau ieu kak jien phí, sraiy bo drei oh thau.

Rahra oh ngak tui panuac ieu kakei, panuac pato tacei di dom urang ieu phone mai. Tuk mboh medil ka bruk pagait meblah mek drap ar, rahra njauk  khan chip ka jabat công an labik jaik abih piah hu pato tacei jalan langyah.

Gam haong nan, lac bruk pambak tame bruk rahra ka oh thau ginup khau tin pambuak tal bruk ba tame pandar định danh điện tử - VNeID, kol pachot pagait gam gam ieu phone, hadei di nan payua jalan (link) tapa blah mạng xã hội ieu kakei rahra truy cập saong ba tame ứng dụng ja, hu mbaok mata deih yau ung dung biak. Hadei di tuk ba tame saong khan brei thau di mangaok link ja, kol jhak nyu hu ginup khau tin di rahra saong peih bruk pachot pagait patui di nan.

Anak bruk ini, Công an TPHCM brei thau lac abih tih dom bruk ieu phone tapa dom ứng dụng mạng xã hội ieu kakei, pato tacei kích hoạt VNeID jeng lac ja piah pachot, pagait, klaik mek khau tin di rahra.

Cục Salamat thong tin kakei rahra tok tame ung dung VNeID meng jalan chính thống, oh pabak khau tin di drei atau tame jalan (link) halei bo drei oh thau cambaih.

Công an tok daong ka rahra peih bruk định danh điện tử tapak, oh tapa ieu phone halei atau blah web halei. Mayah caong tangi sua hagait ka ứng dụng VNeID, rahra taom gaok canh sat KV atau jabat cong an jaik abih, atau jalan talei pandiak di Mintri Công an atau cong an labik drei daok.

Langiu di nan, blah khau tin cảnh báo hu ba tagok di labik khonggianmang.vn jeng hu ndem tal dom jalan pachot pagat karei yau ye pachot pagat meblah mek drap ar tapa jalan ieu blei pandap pataom điểm piah taduan pandap thuong; klaik mek tài khoản Facebook blaoh ngak ja meblah mek jien; ngak ja bac si pagait taong ruak saong pablei jru ka rahra; ieu buh jien tame pablei salih cổ phần blaoh meblah mek jien; brei masaiy jien online, njauk kol kanjak jhak pagam thaot yau thaot kakuh urang metai kayua tavak saiy tapa tukvak biyar…

Rahra brei khang hatai sahneng kuhria, khan brei gauk gar thau, duah bruk daong meng dom jabat cong an mayah mboh medil lac pachot pagat piah hu daong brei./.