Jien jhung brei mesraiy blei taneh daok saong sang daok samu 3% sa thun

Sarak caik tabiak 2 chương brei thau cambaih laih ka bruk brei mesre blei taneh daok (chương II) saong sang daok (chương III). Tui nan, urang hu mesre phun jien piah blei taneh daok, sang daok nan lac: baoh sang kathaot urang bangsa takik; baoh sang kathaot urang Yuan daok di xã biak kan kandah, palei biak kan kandah bhum urang bangsa takik saong bhum ceik.

Urang mesre phun jien brei pabak ginup abih dom kadha cambaih laih yau hadei ini:

Daok njauk adat hukum di puk palei saong hu angan dalam harak angan baoh sang hu mbang tui sarak daong taneh daok, sang daok kayua jabat hu thẩm quyền mboh tangin.  

Urang hu mesre phun jien lac urang lambaok mesre phun jien di baoh sang meng ginup umo 18 thun tagok, hu năng lực hành vi dân sự ginup abih tui njauk adat hukum; hu jalan mesre phun jien njauk haong bruk pandar phun jien mesre.

Urang mesre phun jien lac urang hu mesre piah pandar tame bruk cai pandar jien piah blei taneh daok, jien padang ngak bahrau atau pasiam veik sang daok.

Yaom jien brei mesre kayua Gilang pariak Sarak karja saong urang mesre ndom biai njauk gauk min oh tapa 50 triệu đồng sa baoh sang (ngan haong brei mesre piah daong blei taneh daok), 40 triệu đồng sa baoh sang (ngan haong brei mesre piah daong blei sang daok).

Tukvak brei mesre kayua Gilang pariak sarak karja saong urang mesre ndom biai njauk gauk, min glaong di abih lac 15 thun. Dalam 5 thun akaok mereip, urang mesre oh ka bayar jien phun. Jien jhung brei mesre samu 3% sa thun. Jien jhung mesre tapa tukvak samu 130% jien jhung brei mesre./.

Urang lang: Jasi – 10/05