Tui Sarak lek taka 86/2023/NĐ-CP harei 7/12/2023 di Rajaei, dom asal kadha Rajaei, dom asal kadha barau piah iek pilih brei angan Baoh sang ilamo njauk pabak dom asal kadha tui yau mala ini:

1- Dah krah dalam bruk ngak njauk tui jalan di Ndang, sarak karja, hukum di nagar:

- Urang dalam sang njauk ngak siam jalan ngak di Ndang saong adat hukum nagar.

- Ngak njauk ngak tui jalan ilamu adat cambat dalam palakhah, ndam matai saong harei roya.

- Khik siam makre brei karo kajap bhum palei, pacang caga apui khuah apui mbang.

- Khik tani tanat njauk tui adat brei ka sap danei, ngak cuang kandah tal rahra bhap bini jaik taphia njauk tui adat di hukum nagar brei ka alam bhum bhaok môi trường.

2- Kham marat ba rup tame dom danak dak pakacah gauk ngak mbang, bac magru, khik karo kajap, brei ka siam makre, salamat di dalam bhum palei: 

- Kham marat ba rup tame dom bruk ngak piah khik ramik labik inem krun ilamo hu angan sajarah, labik jirah rivang dalam langik tasik alam di bhum palei.

- Kham marat ba rup tame dom danak dak ngak dhar phol ngak pahla, daong ba gauk; pachreih bac magru, pachreih urang ngak naih saong padang baoh sang bac magru.

- Kham marat ba rup tame dom bruk ngak rahra bhap bini di labik daok.

- Kham marat hu mbaok tame dom danak dak patagok ekonomi, ilamo – rahra xa hoi kayua bhum palei dang ngak.

- Urang di dalam umo thun daok ngak bruk, kham marat ngak saong hu jien mek tame meng dom bruk ngak njauk ngak siam tui adat, tui hukum nagar.

- Uranaih dalam umo thun daok bac magru hu tame sang bac piah bac magru.

3- Sang danaok trei sir, ilamu hadah dai; bhian pambuak gauk, yakyum jumpataom, daong ba gauk dalam jammaah rahra bhap bini:

- Ngak siam dom asal kadha ilamu ndem mayai dalam sang danaok.

- Ngak siam ngak njauk tui sarak karja brei ka lek taka rahra pamanek, njauk tui hukum palakhah caga saong brei ka siam makre di dalam sang danaok.

- Ngak siam ngak njauk tui asak karja brei ka lakei haong kumei samu yau gauk, pacang caga bruk taong paoh gauk dalam sang, pacang caga taong paoh gauk di urang likei saong kumei.

- Baoh sang hu sang pahacih, sang manei, dom janih ndap nda padang ia, padang caik ndap nda di dalam sang ka haci hacih.

- Daong ba gauk di dalam puk paga bhum palei bien halei mada tuk gaok kan kandah, gaok bala.