Hukum Taneh riya (pasiam veik) hu QH brei tapa saong hu ba tame ngak tui meng harei 1/1/2025 ( langiu di dom asar kadha cambiac)

Dalam nan Hukum Taneh riya pasiam hu tacei tabiak cambaic laic bruk dom baoh sang, urang pandar taneh oh hu harak gar hu brei harak adat pandar taneh. Tui nan, bruk ngak harak chứng nhận pandar taneh ka dom baoh sang, ka menuac urang pandar taneh oh hu harak gar hu iek tui dom  tukvak pandar taneh karei di gauk.

Hukum parabha dom nyaom hu brei harak pandar taneh haong taneh oh hu harak gal nan lac:

Ka sa, baoh sang, urang hu pandar taneh dahlau di harei 18/12/1980, urak ini hu UB bhap bini pakat xã labik hu taneh brei thau lac oh hu thei meblah, meriak gauk.

Kadua, baoh sang, urang hu pandar taneh meng harei 18/12/1980 mbiah tal dahlau di harei 15/10/1993, urak ini hu UB bhap bini pakat xã labik hu taneh brei thau lac oh hu thei meblah, meriak.

Ka klau, baoh sang, urang pandar taneh meng harei 15/10/1993 mbiah tal dahlau di harei 1/7/2014, urak ini hu UB bhap bini pakat xã labik hu taneh khan lac oh hu thei mebleh, meriak.

Ngan haong dom bruk ngaok nan, dom adat cambaic laic ka bruk brei harak adat pandar taneh hu ngak karei di gauk.

Langiu di nan, Hukum jeng tacei lac, baoh sang, urang lac menuac hu jao brei taneh ngak nong tui bruk ba tabiak di khoản 1 Paka 118 di Hukum ini hu pandar taneh daok, taneh oh ngak nong dahlau di harei 1/7/2024 bo oh hu dom harak gar tui adat, hu tut angan thuong tru di bhum palei kinh te – xa hoi kan kandah, bhum kinh te – xa hoi biak kan kandah, urak ini hu UB bhap bini pakat xã labik hu taneh brei thau lac oh hu thei meblah meriak gauk ye hu brei Harak chứng nhận pandar taneh, adat pandar drap ar pambuak haong taneh saong oh brei kak jien pandar taneh. 

Langiu di nan, dom baoh sang, dom urang pandar taneh tani tanat dalam nyaom taneh ngak nong, urak ini hu UB bhap bini pakat xã labik hu taneh brei thau lac oh hu thei meblah ye ngak brei Harak chứng nhận bruk pandar taneh, pandar drap ar gam di taneh tui jalan Karja  jao taneh oh mek jien pandar taneh ngan haong taneh daok pandar min oh tapa tanut jao taneh ngak nong ka yaok urang tui hukum. Tukvak pandar taneh kuhria meng harei hu brei karak chứng nhận pandar taneh, adat pandar drap ar gam haong taneh. Ngan haong taneh ngak nong daok veik (meyah hu) brei salih tapa pah taneh di Karja.

Hukum taneh riya pasiam veik hu pandar meng harei 1/1/2025. Dom asar kadha cambaic laic jang ka bruk brei hara chứng nhận pandar taneh ka taneh oh hu harak gal hu Rajaei ba tabiak di Sarak tacei ba ngak tui Hukum./.