Tukvak jaik ini, rilo menuac hu panuac brei thau ka bruk pachot pagat di dom urang ngak ja shipper (urang jao pandap) piah blah mek jien. Cambaih laih, rilo urang blei pandap online bhian randap pandar shipper payua saong bayar jien kayua daok jalval atau oh daok pak sang. Pambak tame bruk nan, kol pachot pagat ieu phone ka menuac sia, mek angan lac urang jao pandap di dom gah pablei salih online khan lac hu pandap njauk jao brei saong ieu urang chuyen khoan piah bayar jien. Hu oh takik menuac kurang sangka nan ye lahik jien meng bruk chot pagat ini.

Sa-ai Hoàng Thị Yến, daok di quận Bắc Từ Liêm, ban ine Hà Nội lac sa dalam dom urang gaok bala di bruk pachot pagat ini. Sa-ai Yến brei thau: “Harei  14.7, hu urang ieu phone ka drei lac menuac jao pandap Shopee blaoh kakei bayar 33.000 đồng. Bhian di nyu jeng sahneng lac njauk drei blei halei oh, min harei nan kayua daok jalval gam haong jien 33.000 đồng jeng oh praong nan oh sahneng hagait blaoh bayar jien ka nyu tuk nan”.

Sa-ai Yến khan patui veik: “Hadei di nan hu menuac ieu phone likau ma-ah am-pun lac payua meluk số tài khoản. Ndom lac nan số tài khoản kích hoạt thẻ hội viên gah jao pandap patak pataom, urak ini oh klak thẻ ye yaok bilan tài khoản di drei lahik 3,5 triệu đồng. Pang tal ini drei sahneng lac drei gaok pachot pagat. Drei meng salih sap, urang nan ndom lac meda taom gaok haong tuai di kong ty piah daong klak thẻ. Hadei di nan, nyu payua ka drei sa jalan link pandar drei tame nan piah ndom meyai haong urang sangka tuai pandar klak thẻ saong bayar jien. Pang tal ini drei thau lac daok dalam…bruk pachot pagat nan oh ngak tui. Maong yau lahik jien piah caik hatai jang”.

Jeng dreih yau nan, sa-ai Võ Thị Tố Trinh, daok di jalan Nguyễn Văn Luông, P.11, Q.6, Ban Raya HCM, khan gilac: “Kayua yaok harei drei nao ngak nan ye bhian ieu shipper payua pandap ka nai pablei ia menyum anak sang trọ saong hadei nan likau số tài khoản piah bayar jien. Drei bhian tadan hu mbang ieu phone di sa urang ndom lac urang jao pandap Shopee, pandap yaom 187.000 đồng. Tui bhian randap, drei pandar nyu payua labik nai pablei ia menyum saong likau số tài khoản piah bayar jien. Salah bruk blaoh mai sang, tapa sang nai mek pandap meng thau oh hu pandap halei payua ka drei. Tuk nan tame ứng dụng Shopee pasang iek gilac ye mboh drei oh blei pandap halei yaom 187.000 đồng, nan ka meng thau drei njauk pachot pagat.”

Yau nan, meda mboh lac kol nan bhian ruah tukvak tuai oh hu mbaok di sang (tukvak hành chính) piah ieu phone. Tuk oh hu mbaok pak sang, nyu ndom lac payua pandap ka menuac krein, mikva, yut cuai…blaoh pandar tuai bayar jien blei pandap.

Piah plaih gaok pachot pagat saong lahik jien, mikva njauk bayar jien dahlau piah tuk tuk pandap jao tal lac pandap 0 đồng, oh huac njauk pachot. Meyah pandap njauk bayar jien ye “mek tuk halei bayar tuk nan”, tok mek di tangin ka meng bayar jien. Urang jao pandap di dom labik pablei online atau gah pajeng ba lac hu ao cuk saong kadung hu logo di gah nan. Meyah oh trun mek pandap hu bo brei chuyen khoan ka urang jao, ye brei caik hatai sangka. Brei sahneng iek njauk pandap drei blei saong njuak yaom jien halei oh, blaoh ka meng bayar jien. Saong oh tame jalan link halei di kol pachot pagat pabak brei./.