Rajaei patabiak Sarak 75/2023/NĐ-CP pasiam veik, pabak dom paka di Sarak ka 146/2018/NĐ-CP harei 17/10/2018 di Rajaei tacei tabiak cambaih laih saong tacei pato jalan ngak dom paka di Hukum Bảo hiểm y tế.

Tui nan, di khoản 1, Paka 15 pambuak tal bruk iek ruak, taong ruak hu bảo hiểm y tế. Urang hu BHYT tuk iek ruak, taong ruak njauk ba tabiak harak  BHYT hu thaot binguk atau căn cước công dân (CCCD).

Meyah harak BHYT ka oh hu thaot ye njauk ba yar tabiak tui nan sa dalam dom harak gar hu thaot binguk kayua jabat karja hu thẩm quyền pabak brei atau harak di công an pakat xã atau harak gar karei hu xác nhận di labik pato magru labik khik ramik anek saih, sinh viên; dom harak gar di urang nan njauk tui adat hukum karei atau harak gar hu định danh điện tử tanut 2 tui Sarak ka 59 harei 05/9/2022 di Rajaei ka bruk định danh saong xác thực điện tử. Ini lac sa dalam dom asal kadha bahrau njauk caik hatai piah ba mbuan lagaih ka urang ruak dalam tuk iek ruak, taong ruak hu mbang tui BHYT.

Langiu di nan, di khoản 5, Paka 1, Sarak ka 75 hu ramik veik dom bruk ka tanut jien mbang tui bảo hiểm y tế tui jalan pabak dom urang hu mbang tui BHYT 100% saong 95%.

Tui nan, 2 kapul urang hu mbang taong abih jien sahui iek ruak, taong ruak bahrau hu pabak tame, lac: urang hu mbaok tame mesuh metak saong pacang khik taneh ia; rahra daok di dom xa an toàn khu, bhum an toàn khu cách mạng dalam bruk mesuh metak pacang kol France saong pacang kol Mỹ urak ini daok daok di dom xã an toan khu cách mạng dalam dalam bruk mesuh pacang France saong pacang Mỹ.

3 kapul urang hu mbang 95% yaom jien iek ruak, taong ruak lac:

Diuk atau pasang liệt sĩ tok pasang atau diuk karei daok hu daong yaok bilan tui bruk raong anek liệt sĩ tal umo dam dara atau iek glang amaik ame pajeng liệt sĩ tuk daok diuk atau kayua bruk ngak cách mạng bo oh hu sangka amaik ame pajeng liệt sĩ tuk daok diuk.

Urang duh ka urang hu prein haong CM daok diuk di sang, lac duh ka Amaik Việt Nam anh hùng; urang duh ka thương binh (kuhria gam thuong binh loại B hu pok brei angan dahlau di harei 31/12/1993), urang hu mbang tui sarak yau thương binh, bệnh binh, urang ngak bruk dalam tuk mesuh bo njauk jru mek hóa học njauk rambuac meng 81%;

Urang bangsa takik daok di dom xa dalam bhum II, III, puk palei biak kan kandah di bhum bangsa takik saong bhum ceik tukvak 2016 - 2020 bo dom xa ini oh daok dalam angan dom xã bhum II, III, puk palei biak kan kandah dalam bhum bangsa takik saong bhum ceik tukvak 2021 - 2025./.