Tui nan, kol nyu ba khaw tin tagok mạng xa hoi hu asar kadha lac palih ruah urang pambuak bruk, urang ngak bruk online - “Bruk ngak njol min jien bilan glong” ka dom blah web pablei salih điện tử. Urang bo kol nyu pamaong tal lac dom urang khin duah bruk ngak online, bruk ngak di sang atau dom urang mbuan jia, caong khin duah hu bruk ngak mbuan  min hu jien tame rilo.

Meng jalan ngak ini, tuk urang jia tame, kol nyu pachot lac menuac tư vấn di sa blah web pablei salih online piah iew urang brei thau: angan je, khaw tin tải khoản gilang pariak baoh hadei di nan nyu meblah mek jien.  

Langiu di nan, kol nyu daok pachot urang meng bruk jak ba ngak bruk blei pandap “ảo”. Yau ye, kol nyu payua jalan link pandap di dom blah web online min bayar jien brei payua tame sa tài khoản karei hadei di nan hu “bayar veik jien gam jien thưởng”. Tuk camereip, kol pachot nyu bayar jien njauk haong panuac sanya saong jien di urang payua jien tame veik dak harei dak rilo. Tuk urang payua jien tame biak ralo ye kol nyu pacang facebook, cakak phone blaoh meblah mek jien.

Jeng tui CA Ban raya HCM, tukvak tapa, Pasak Pasang iek salamat angaok mạng negar taduan hu rilo email brei thau saong iew phone khan ka bruk kol pachot nyu pandar mạng XH yau  Zalo, Facebook, Telegram,…piah palih ruah urang pambuak bruk lang yah harak pambuak blei pandap di dom blah web pablei salih online piah meblah mek jien ndo…

Pasak Pasang iek salamat mạng negar, Cục Salamat khaw tin kakei bhap bini paglaong hatai sangka haong dom panuac ieu da-a tame ngak urang pambuak bruk pablei pandap online. Gam haong nan, bhian klah rabha, khan brei gauk gar, ayut sahabat saong urang daok jaik taphia drei thau ka dom jalan, bruk pachot pagat di kol meblah mek jien, drap ar tapa jalan palih ruah urang tame ngak bruk online.

Langiu di nan, Cong an Ban raya HCM kakei bhap bini brei caik hatai sangka, juai pabak dom khaw tin pambuak tal harak gar di drei yau thaot binguk, file pdf  mangaok mạng kayua dom khaw tin nan meda njauk kol kanjah jhak nyu pambak tame piah meblah mek dom tài khoản online./.

Urang lang: Ai Nghiem -31/5/2022