Uranaih hu bac caluai di sang bac 

Dalam harak công điện, Thủ tướng ieu dom mintri, dom gah song tỉnh ban peih ngak catang dom tacei pato dahlau di nan ka bruk patagok dom jalan ngak khik kajap quyền uranaih song khik caga uranaih, abih di nyu nan lac iek prong bruk pacang caga mblung ia di uranaih.

Mintri  Lao động - thương binh song  xã hội hu jao bruk pachreih ba, tacei pato dom tỉnh ban peih ngak catang dom tacei pato ni, gam song patagok bruk duah thau, pasang iek, abih di nyu nan lac dom tỉnh ban bhian hu bruk mblung ia uranaih. Pasang iek, ramik pasiam jalan ngak, sarak piah patagok siam lagaih bruk pacang caga mbung ia uranaih.

Mintri pato megru hu ieu peih ngak, tacei pato bruk brei thau ilamu, jalan pacang caga mblung ia tal yaok sang bac, tal bac, yaok anek saih, abih di nyu nan lac dahlau di yaok mbang padeih hè. Jhul khang bruk pato caluai siam mekre ka anek saih dalam sang bac. Pambuak bruk di sang bac song boh sang piah khik ramik, pasang iek anek saih dalam tuk padeih bac, padeih hè.Tacei pato dom tỉnh, ban  bruk peih bac caluai, pasram ilamu  caluai song dom bruk karei karei pagam tal saong bruk dong, trun yaom harak vé, jien bac caluai, pasram  ilamu caluai, dom bruk pambuak pagam tal ka anek saih, uranaih.

Mintri ilamu , Thể thao song Du lịch hu  brei bruk jak ba, paglong bruk ngak di boh sang dalam bruk iek glang, pasang iek, kakei uranaih  ka bruk mbuan si mblung ia saong ilamu pacang caga mblung ia, samar ba anek nao bac caluai, song bac ilamu khik caga siam mekre dalam ia; peih ngak, tacei pato bruk padang ngak, ramik pasiam veik danao caluia di dom labik thể dục, thể thao song pachreih ba dom labik  dịch vụ thể thao, du lịch hu danao caluai dong ka dom tal pato caluai siam mekre dalam ia ka uranaih.

Ngan song dom tỉnh ban, Thủ tướng hu panuac ieu brei pambuak bruk song dom mban, ngành, kapul nyaom, piah mban khik caga uranaih pakat xã, menuac  urang halan hatain hu mbaok tame khik iek catang uranaih dalam tuk oh nao bac, abih di nyu nan lac tuk padeih hè, dom tuk ribuk, ia sua, bala meng langik tasik.

Pasang iek, padang  bản đồ brei thau chip dom labik mbuan  ba tal mblung ia , piah hu jalan pacang caga. Dom tỉnh, ban kaoh tabiak jien meng kadung jien karja piah peih bruk pacang caga mblung ia uraniah, pato caluai siam mekre ka uranaih, dong jien ka nyu lagaih ngan song bruk bac caluai./.

Urang lang: Hanipha- 24/5