Piah tui iek hu siam jang bruk ngak di urang iek ruak, taong ruak saong ngak tui jalan ba tabiak di Đảng ka bruk iek ruak, taong ruak, Hukum hu peih praong menuac ngak bruk iek ruak, taong ruak, salih meng bruk brei harak adat ngak bruk tui văn bằng chuyên môn tapa brei ngak bruk tui angan bruk chuyên môn. Gam haong nan, brei paglaong ilamu di urang ngak bruk yau ye: Salih jalan brei harak adat ngak bruk meng bruk brei harak adat ngak bruk iek tui harak gar tapa pasang iek taong yaom ilamu ngak bruk dahlau di tuk brei harak adat ngak bruk haong harak adat ngak bruk hu tukvak 5 thun, saong bruk paglaong ilamu ngak bruk lac sa dalam dom kadha piah hu dui atah tukvak ngak bruk.

Hukum jeng tacei lac, urang negar langiu ngak bruk suai lavik di Việt Nam saong iek ruak, taong ruak ka urang Việt Nam brei pandar sap Việt dalam iek ruak, taong ruak, langiu di dom chuyên gia, tacei pato ilamu kỹ thuật, pato pakai, kê đơn jru điện tử, bệnh án điện tử saong dom bruk ini brei pambuak haong Hệ thống brei thau ka khik ramik bruk iek ruak, taong ruak piah pasang iek bruk ngak di urang ngak bruk, saong pambuak pagam tame bruk iek ruak, taong ruak di dom labik iek ruak, taong ruak.

Hukum hu pabak bruk lac labik ngak, eng drei taong yaom bruk iek ruak, taong ruak tui tanut chất lượng di Mintri Y tế patabiak tui yaok thun saong brei ba bruk taong yaom nan tagok Hệ thống brei thau ka khik ramik bruk iek ruak, taong ruak piah tui nan pasang iek, taong yaom, brei thau ka chất lượng di dom labik iek ruak, taong ruak. Pabak adat lac labik iek ruak, taong ruak brei pandar công nghệ thông tin piah khan brei thau bruk iek ruak, taong ruak, palagaih ka urang ruak, saong lac jalan piah khik ramik bruk iek ruak, taong ruak di dom kapul nyaom, menuac urang.

Piah daong ka bhap bini hu mbuan lagaih dalam bruk iek ruak, taong ruak, Hukum hu salih meng 4 jalan chuyên môn jeng 3 pakat chuyên môn; brei adat ka phòng khám đa khoa tư nhân di dom bhum hu bruk KTXH biak kan kandah hu peih bruk brei urang ruak daok veik piah tui iek saong taong ruak ka urang ruak min lavik di abih oh brei tapa 72 mon. Patagok bruk iek ruak, taong ruak meng atah piah mek hu bruk iek glang prein yava bhap bini meng bruk palagaih ka bhap bini hu iek ruak di labik siam mekre, hu chất lượng, yaok tuk yaok labik, abih di nyu lac ngan saong dom ruak takik trak damak, ruak mạn tính brei hu tui iek suai lavik saong gam gam./.