Rahra, baoh sang hu trách nhiệm tut angan thường trú, tạm trú 

Bruk pasang iek labik daok hu gam pasang iek bruk tut nagan, khik iek labik daok, jien duah hu, cập nhật, duah thau ka labik daok dalam Cơ sở dữ liệu ka labik daok, quyền saong trách nhiệm di rahra, baoh sang, jabat, kapul nyaom, dom asal kadha karei tui hukum labik daok.

Dalam nan, rahra, baoh sang hu trách nhiệm tut angan thường trú, tạm trú atau brei thau bruk lưu trú tui yaok bruk. Kayua yau nan ye, tuk công an peih bruk pasang iek labik daok, yaok urang dalam baoh sang tuk hu ieu, brei yar tabiak harak gar di drei gam haong sổ hộ khẩu atau sổ tạm trú.

Meyah sổ hộ khẩu, sổ tạm trú njauk mek veik atau tut angan thường trú, tạm trú hadei di harei 01-7-2021 nan ye oh hu pabak brei sổ bahrau ye meda ba tabiak harak brei thau bruk langyah adat tut angan cư trú atau harak xác nhận bruk cư trú hu pabak brei.

Ngan saong anek saih, sinh viên, học viên mai daok pataom gauk dalam ký túc xá, labik daok di anek saih, sinh viên, học viên; urang ngak mai daok pataom gauk di dom labik daok di urang ngak; uranaih, urang jaoh jo, urang oh hu gauk gar hu taduan raong saong daok dalam labik di agama, urang hu iek glang, daong brei di labik daong bruk xã hội meda tut angan tạm trú tapa jabat, kapul nyaom khik iek labik nan.

Tuk công anpasang iek ye jabat khik iek brei ba tabiak sổ tut angan tạm trú di anek saih, sinh viên, urang ngak.Meyah tuk công an pasang iek labik daok bo urang nan oh ba tabiak hu dom janih harak gar pambuak tal, meda njauk phạt jien meng 500.000 đồng tal 1.000.000 đồng tui Paka 9 - sarak 144/2021.

Hukum Cư trú thun 2020 ba tabiak bruk tut angan tạm trú, brei thau bruk lưu trú di rahra yau ini:

Rahra mai daok di labik daok njauk adat hukum langiu labik đơn vị hành chính pakat xã labik tut angan thường trú piah ngak bruk, bac da-a atau hu bruk hagait karei meng 30 harei tagok, brei tut angan tạm trú.

Tuk hu menuac mai gam daok, urang dalam sang, menuac lambaok ka labik iek ruak, labik lưu trú du lịch saong dom labik karei hu ngak bruk lưu trú hu trách nhiệm ieu urang mai lưu trú ba tabiak 1 dalam dom janih harak gar piah brei thau ka số định danh cá nhân tui adat hukum saong brei thau bruk lưu trú haong jabat tut angan cư trú./.

Lang sap: Mousa Phương – 17/05