Tui khoản 1 paka 25 Hukum Căn cước 2023, jalan ngak, adat ngak veik thẻ căn cước ka dom rahra Việt Nam hu mek gilac veik quốc tịch Việt Nam saong dom urang ngak bahrau, ngak gilac veik thẻ căn cước hu ngak tui adat di paka 23 Hukum 2023 yau ini:

Ngan haong urang meng ginup 14 thun tagok, menuac taduan bruk pasang iek, taong yaom khau tin di urang caong ngak thẻ căn cước meng Cơ sở dữ liệu negar ka rahra, cơ sở dữ liệu negar, piah thau tantu angan urang caong ngak thẻ căn cước; daok meyah ka oh hu khau tin di urang caong ngak thẻ căn cước dalam Cơ sở dữ liệu negar ka rahra ye njauk cập nhật, rami ramik khau tin tame Cơ sở dữ liệu negar ka rahra tui adat di khoản 1, 2 saong 3 - Paka 10 di Hukum ini.

Menuac taduan bruk pataom mek khau tin, mbaok mata saong thông tin sinh trắc học lac thaot mbaok mata, vân tay di urang caong ngak thẻ căn cước; Urang caong ngak thẻ căn cước pasang iek, mbaoh tangin tame harak pataom mek thông tin căn cước; Menuac taduan mek ngak harak pagun sanya harei biyar thẻ căn cước;

Biyar thẻ căn cước di labik vak dalam harak pagun sanya; meyah urang caong hu thẻ căn cước hu ieu kakei biyar thẻ căn cước di labik karei ye jabat khik ramik căn cước biyar thẻ căn cước di labik tui panuac kakei saong urang nan njauk biyar jien jit vu payua tal.

Urang umo mala 14 thun atau urang lambaok njauk adat di urang umo mala 14 thun, hu ieu likau jabat khik ramik căn cước ngak brei thẻ căn cước. Jalan ngak, adat ngak thẻ căn cước ka urang umo mala 14 thun hu ngak yau hadei di ini:

Urang lambaok njauk adat ngak harak likau ngak thẻ căn cước ka urang umo mala 6 thun tapa blah web jit vu kong atau pandar ứng dụng định danh negar. Daok urang umo mala 6 thun ka oh ngak harak khai sinh ye urang lambaok njauk adat ngak harak likau ngak thẻ căn cước tapa dom adat pambuak haong bruk tut angan ngak harak khai sinh di mangaok blah web jit vu kong, ứng dụng định danh negar atau nao tapak tal jabat khik ramik căn cước. Jabat khik ramik căn cước oh pataom mek khau tin mbaok mata saong thông tin sinh trắc học ngan haong urang umo mala 6 thun.

Urang meng ginup umo 6 thun saong mala 14 thun gam haong urang lambaok njauk adat tal jabat khik ramik căn cước piah pataom mek khau tin mbaok mata saong thong tin sinh trắc học. Urang lambaok njauk adat di urang meng umo ginup 6 thun saong mala 14 thun ngak harak likau ngak thẻ căn cước salih ka urang nan.

Daok urang oh thau hagait, urang hu kan kandah dalam jalan sahaneng,  jalan ngak di drei ye brei hu urang lambaok njauk adat hukum daong ngak adat. Meyah oh taduan ngak brei thẻ căn cước ye jabat khik ramik căn cước brei javap jaloi meng harak gar saong brei thau cambaih di nyu.

Abih di nyu nan lac, meyah ngak veik thẻ căn cước kayua ngak njauk veik giới tính atau salih giới tính atau salih, ramik veik khau tin tui adat di khoản 1 Paka 24 Hukum Căn cước.

Mayah khau tin nan oh ka hu ba tame, ramik veik dalam Cơ sở dữ liệu negar ka rahra ye urang caong ngak thẻ căn cước njauk ba tabiak dom harak gar hu yaom gah adat hukum brei mboh lac dom khau tin hu salih bahrau piah cập nhật, ramik veik khau tin tame Cơ sở dữ liệu negar ka rahra. Jabat khik ramik căn cước mek veik thẻ căn cước công dân, thẻ căn cước hu pandar blaoh ngan haong dom urang salih, ngak bahrau thẻ căn cước.