Meyah urang mesre gah langiu ye bruk mesre ini ieu lac pambuak bruk dân sự saong bruk sanya gauk ka yaom jien jhung njauk tui bruk ramik veik di Bộ luật Dân sự thun 2015. Cambaih laih, khoản 1 paka 468 Bộ luật Dân sự thun 2015 brei thau ka jien jhung yau ini:

-Kasa nan lac yaom jien jhung mesre kayua dom gah sanya haong gauk.

Meyah dom gah hu sanya gauk ka yaom jien jhung ye jien jhung nan oh brei tapa 20%/thun di yaom jien mesre, langiu di bruk hukum karei pambuak tal hu adat karei. Meyah yaom jien jhung tui sanya gauk yam tapa jien jhung hu tacei tabiak di khoản ini ye yaom jien jhung tapa nan oh hu kuhria. Yau nan, tuk mesre jien dom gah hu quyền sanya gauk ka yaom jien jhung min oh brei tapa 20%/thun di yaom jien mesre. Meyah yaom jien jhung sanya blaoh nyu tapa tanut yaom jien jhung glaong abih bo hukum brei adat, ye tuk rah tabiak bruk meriak gauk, binah jien jhung tapa tanut nan oh hu kuhria.\

Bruk langyah panuac sanya gauk ka yaom jien jhung glaong jang tanut hu adat hukum tacei tabiak jeng hu paka 9 Sarak 01/2019 di Hội đồng thẩm phán Tòa án bhap bani pakat glaong brei thau yau ini:

Harak pambuak bruk mesre drap ar hu sanya gauk ka yaom jien jhung, yaom jien laba di jien jhung tapa tukvak ba-yar glaong jang yaom jien laba, jien jhung di jien daok tavak tapa tukvak ba-yar hu adat tacei tabiak ye yaom jien jhung, jien jhung di jien mesre tapa tukvak ba-yar oh hu kuhria. Yaom jien jhung ba-yar bloh tapa tanut yaom jien jhung, jien jhung di jien mere tapa tukvak ba-yar, jien jhung di jien jhung daok tavak tapa tukvak ba-yar brei thau hu kaoh tame yaom jien mesre di tukvak ba-yar jien jhung; yaom jien jhung hu ba-yar blaoh tapa tanut daok veik hadei di tuk kaoh abih yaom jien mesre ye hu ba-yar veik ka gah mesre.

Meyah dom gah hu sanya gauk ka yaom jien jhung labaih 20%/thun ye  yaom jien jhung tapa tanut oh hu kuhria. Meyah gah mesre hu ba-yar yaom jien jhung glaong jang 20%/thun ye gah mesre hu quyền pathau tabiak tòa án kaoh lac yaom jien jhung tapa tanut oh brei kuhria. 

Tui adat di paka 131 Bộ luật Dân sự thun 2015, tuk giao dịch dân sự vô hiệu ye dom gah meda ba-yar veik ka gauk dom hagait bo hu taduan mek di gauk saong urang mesre meda hu taduan mek gilac veik yaom jien jhung hu ba-yar tapa tanut jien jhung hu ba tabiak dalam adat hukum. (Báo Tuổi trẻ)./.