Tukvak jaik ini, Jabat Canh sat hinh su (PC02) Kong an Ban raya HCM taduan rilo panuac ndom di rahra ka bruk njauk chot pagat tapa dom ung dung iek phim katut pandar AI.

Meng bruk “gam iek phim gam duah jien trieu”, dom kol bleik kong nghe glaong hu pachot pagat, blah mek drap ar jien padai rilo urang. PC02 kakei caga bruk ini piah daong rahra plaih atah bruk chot pagat.

Tui PC02, bruk chot pagat di dom kol bleik hu pacang biak jak tapa kong nghe saong jien alin biak bangi. Meng camreip, dom ung dung ini yaih khan rilo haong kadha “gam iek phim katut Ai gam duah jien”. Piah padang hatai je, majam meng akaok meti brei peih dom paok jien alin hu pambuak tame tai khoan ja di urang pandar.

Min, tuk urang iek njauk dui tame dom phim dui pachreih saong khin peih iek veik dom binah mekre abih di phim, atau khin hu jien tame, urang njauk pandar iek yaih khan rilo, mek trun dom ung dung di gah ka klau atau ngak rilo “bruk” online.

Njauk ndom tal lac tuk urang iek phim caong khin mek jien alin, dom kol bleik gam gam ba tabiak rilo makna piah suai bayar jien saong ndok jien veik meyah oh ka mek hu jien takik abih, caong khin paglaong tai khoan VIP, buh jien meyao meyit atau buh tame veik jien piah “mgak cambaih laih angan je”.

Hadei tuk urang je tame blaoh bayar jien, kol bleik cakak klaoh abih jalan pambuak, blah mek abih taong abih paok jien.

Oh ka padeih di nan, bruk rabha sit phin jeng yaok pluh binah katut, abih di dom binah dui pachreih abih di phim ngak ka urang iek phim “buh jien tabiak” piah hu iek phim veik. Taong abih, paok j9ien blei tanut atau peih anek kiar binah phim meda tagok tal yaok trieu dong yaok bilan.

Trak jang, bruk mek trun dom ung dung iek phim oh thau cambaih laih halau agha blaoh daok jhul urang iek phim mbuan tame bruk njom mã kanjah jhak, ba tal lahik bruk pasang iek phone, mblo khau tin the gilang pariak saong lahik du lieu di drei trak.

Anak dom bruk dak haarei dak sanak jak di labik taka so, PC02 ba tabiak pachreih kakei khang tal rahra khin pasang iek tani tanat khau tin dahlau tuk mek trun yaok ung dung halei. Patruh oh mek trun ung dung tapa dom jalan link oh krein atau file APK oh thau cambaih laih halau agha.

Rahra oh pabak dom quyen tame oh bhian (yau harak angan, harak payua, paok kanal hadar) ka dom ung dung iek phim online. Patruh oh pabak mat khau, ma OTP.

Tui Kong an Ban raya HCM, rahra khin taoh talaih dom ung dung oh krein, pasang iek gilac taong abih quyen pabak saong pasang iek bruk khik kandauk kaya thiet bi. Dalam bruk hu tame khau tin tai khoan gilang pariak atau duah mboh meyao meyit oh bhian, khin pambuak aval tal gilang pariak piah kareik samar chip tai khoan, gam haong nan khan jabat kong an jaik abih piah hu daong, langyah dil samu./.