Tui Jabat An ninh mang saong pacang caga kol bleik salih pandar ilamo ngak kong pakat glaong, kadha nan hu dak padang tani tanat, taong tame jalan sahaneng khin mbaoh tangin hu harak pambuak bruk praong di dom gah ngak mbang pablei salih piah bleik blah mek jien caik takai.

Bruk mbuan si mboh, sa gah ngak mbang pablei salih di ban raya Can Tho taduan hu sa mbang taong phone meng urang ta-eng ieu lac N.V.H, "lac urang jakar Jabat Jalan ngak Kaya kan – Hau Can, Labik kareik guk Kenh 5 Can Tho”. Urang ini brei thau labik daok hu hatai caong blei rilo quat kong nghiep duh ka bruk ngak, gam haong nan pandar gah ngak mbang pablei salih khan yaom kaom saong jao kaya dalam tukvak drah aval chip.

Tuk gah ngak mbang pablei salih oh hu halau kaya piah pabak ka harak kakei blei, kol nyu yaih khan capat ka sa labik angan Kongti TNHH Co khi B.K, lac ini lac sa pablei bhian randap di kol nyu, meda hu pabak kaya haong yaom lap meyah blei rilo.

Piah mek haatai je, kol bleik daok sanya blei taong abih kaya hadei tuk gah salih blei mai, daong gah pablei hu laba rilo. Gam di nan, dom kol bleik ba tabiak gam gam rilo kadha yau ye jalan kuhria blei pandar hu pakat hu tham quyen mbaoh tangin, kol nyu khin hu kaya aval chip atau bayar gilac drah jien takai hadei tuk taduan hu kaya piah padrak gah pablei salih samar bayar jien.

Tui Jabat Kong an, meyah gah pablei salih bayar jien tui tacei ba di dom kol bleik yaih khan, kol nyu cakak chip abih jalan pambuak atau patui veik khan rilo kadha piah pandar urang bayar veik jien piah blah mek jien padai.

Tapa luac jalan tui iek, kapol chuc nang mboh bruk ini lac sa kadha hu padang ngak tani tanat, hu jalan rabha bruk di rilo urang bleik.

Jabat kong an pachreih kakei dom gah ngak mbang pablei salih, labik ngak mbang saong rahra caga juai je tame dom mbang payua harak ta-eng ieu lac urang jakar Kong an, urang jakar di jabat karja pandar ngak meyao meyit blei pablei tok tapa phone atau mang xa hoi.

Gah ngak mbang pablei salih nan bayar jien takai atau bayar dahlau tuk ngak tantu ginup angan je urang meyao meyit, bruk ngak cambaih ka harak kakei blei jeng yau hatai caong blei pandar di labik hu bau tal.

Tui dom harak kakei blei mek angan je jabat Kong an atau jabat karja, gah ngak mbang pablei salih srap gap pambuak tapak meng taka phone, labik di nyu piah ngak pacambaih khau tin.

Jabat Kong an jeng pachreih kakei tuk duah mboh bruk medil atau hu jeng urang njauk pagat di bruk pachot pagat, rahra saong gah ngak mbang pablei salih brei khik piah ginup harak payua, taka phone, chứng từ bayar jien gam haong dom harak hu pambuak tal, gam haong nan khan ka Kong an labik jaik abih piah duh bruk pasang duah, langyah tui adat di hukum karja./.