1. Sarak daong ka khau tin

Yaok thun, Urang hu angan je hu bac pasram, pabak ilamo, pabak khau tin tui njauk lagaih tui jalan, sarak, hukum, quoc phong, an ninh; patagok kinh te – xa hoi; bruk bangsa saong sarak bangsa; ilamo pandar, langyah khau tin di angaok Internet, mang xa hoi saong dom ilamo ngak siam, pathau khan, jak ba bhap bini. Urang hu angan je hu pabak (oh mek jien).

a) Sa kadha bao chi (01 blah/urang/mbang/bilan) di jabat bao chi pakat Trung uong hu adat, jalan ngak, bruk pathau khan dalam ka bruk ngak bangsa, sarak bangsa, adat cambat, ugama.

b) Sa hala harak bao chi di tinh (01 blah/urang/mbang/bilan) atau janih pabak khau tin karei kayua tinh mbaoh tangin patabiak.

 2. Sarak daong kaya, jak ba hatai

UB Bhap bini tinh, ban (ieu lac tinh) pato tacei, peih ngak sarak daong kaya, jak ba hatai Urang hu angan je yau ini:

a) Rivang tangi sua, alin hadiah ndap nda kaya di dom harei raya Tet Nguyen dan, Tet atau raya bhap bini di dom bangsa takik; rilo abih 03 mbang/urang/thun; jien buh tabiak 1.000.000 dong/urang/mbang.

b) Rah Rivang, daong Urang hu angan je ruak hakik oh tapa 01 mbang/thun. Jien buh tabiak bayar, rilo abih di nyu yaok: 5.000.000 dong/urang tuk daok taong ruak di pakat pasang iek ruak, taong ruak tani tanat dalam; 3.000.000 dong/urang tuk taong ruak di pakat taong ruak mbuan mbiah; 1.000.000 dong/urang tuk taong ruak di pakat pasang iek ruak, taong ruak akaok meti.

c) Rivang tangi, daong brei ka nyu dil samu baoh sang rahra Urang hu angan je gaok kan kandah katuak kayua bala, apui khuah ngak ka urang (matai, lahik, njauk rambuas trak) ye hu rivang tangi 5.000.000 dong/urang; njauk khat lahik ka drap ar hu UB Bhap bini pakat xa labik daok mbaoh tangin, brei mboh tanut khat lahik ye hu rivang tangi tui bruk daok rah tabiak, rilo abih 5.000.000 dong/baoh sang/mbang (oh tapa 10.000.000 dong/sa baoh sang/thun).

d) Rivang daong cruh, jak ba tuk Urang hu angan je, urang dalam sang (anek pajeng, anek raong, hadiuk, ame pajeng, ame raong, ame hadiuk, ame pasang, amaik hadiuk, amaik pasang) metai: 1.000.000 dong/bruk metai.

Urang dang akaok hu makna, urang ngak praong pakat glaong di Ndang, Karja, Mat tran Negar Viet Nam; kapul ngak bruk  Hoi dong Bangsa di Quoc hoi; Mentri bangsa saong Ugama rivang, ngak bruk di dom bhum palei:

a) Rivang tangi, tadhau ayuh, alin ndap nda kaya oh ralo truh di 1.000.000 dong/Urang.

b) Rivang tangi, daong Urang hu angan je ruak hakik, baoh sang gaok kan kandah katuak gaok bala, apui khuah ngak khat lahik ka menuac urang atau drap ar jien padai, hu urang dalam sang metai: 5.000.000 dong/bruk rah tabiak.

3. Sarak pok meyaom

Urang hu angan je hu baoh jak jeng siam dalam bruk ngak naih gheih, patagok kinh te – xa hoi, khik kajap quoc phong, an ninh, siam mekre salamat, khik ramik ilamo saong padang bruk gul pataom praong dalam bangsa negar hu pok meyaom tui adat di Hukum Pakacah, pok meyaom saong dom harak tacei ba ka bruk pakacah, pok meyaom.

5 thun sa mbang brei peih Nyaom biai pok meyaom, alin kaya meyaom Urang hu angan je ngan haong pakat Trung uong saong pakat tinh.

UB Bhap bini pakat xa palih ruah, mbaoh tangin ka bruk peih ngak, tukvak peih ngak danak dak pok meyaom, alin meyaom Urang hu angan je naih gheih dalam bhum khik kajap njauk lagaih haong bruk peih ngak, dom Urang hu angan je saong bruk daok rah tabiak di bhum palei.