Tui khoang 9 Paka 4 di Hukum salih, pabak dom pakak di 10 Hukum nagar hu pambuak tal an ninh, siam mekre hu pabak dalam Paka 30 di Hukum Ndih daok thun 2020, meng harei 1/7/2026, tuk hu urang ndih daok ye urang dalam baoh sang, urang lambaok ka labik taong ruak, labik ndih daok jirah rivang, po sang atau urang hu jap bruk pasang iek radaih, dom labik ndik daok karei hu bruk pathau khan ka bruk ndih daok haong labik tut angan khan brei ka bruk ndih daok.

Bruk urrang mai ndih daok di labik daok ta-eng sa drei menuac urang, baoh sang menuac urang, urrang dalam baoh sang oh hu mbaok di labik nan ye urrang ndih daok brei khan bruk ndih daok di drei brei ka jabat tut angan ndih daok labik nan.

Bruk pathau khan ndih daok hu ngak dahlau tuk 23 dalam harei ndih daok, bruk urang mai ndih daok hadei di tuk 23 ye brei thau khan dahlau 8 tuk harei hadei di nan.

Ka yua yau nan, tui sarak brei thau, tuai mai sang ndih tapa malam ye po sang, dom urrang dalam sang brei pathau khan ndih daok ka jabat tut angan ndih daok. Bruk oh pathau khan ye njauk karja cap taong bhat.

Tui di nan, taong bhat brei thau kakei dahlau atau taong bhat jien meng 500 ribau dong tal 1 trieu ndong angan haong bruk yau ini:

Oh ngak njauk tui sarak hukum karja brei ka bruk khan brei thau brei tut angan labik daok, tut angan labik daok tapa malam tam tru, tayah tut angan labik daok, tayah tut angan labik daok tapa malam tam tru, neh baoh sang, pasiam khau tin ka bruk ndih daok dalam Co so du lieu ka bruk ndih daok atau khan khau tin ka bruk ndih daok;

Oh ngak njauk adat hukum ka bruk brei khan ndih daok tapa malam, khan ka bruk tam vang tabiak langiu; Oh patabiak harrak gal pambuak tak bruk ndih daok atau khau tin di angaok ung dung ngak tantu angan je pakat negar tui caong khin di jabat, urrang pan bruk.

Jien brei taong bhat meng 2-4 trieu dnong hu pandar ngan haong labik pablei salih gah ndih daok, sang daok rilo urang saong gauk, labik taong ruak, labik ndih daok gah jirah rivang, labik ndih daok di labik ngak kong saong dom labik karei oh khan brei ka bruk ndih daok tapa malam meng 1-3 urang ndih daok tapa malam …

Bruk khan brei thau ndih daok tapa malam, ta-eng menuac urang drei nao tal jabat pasang iek labik daok (jabat Kong an) piah khan ka bruk ndih daok tapa malam dalam tukvak brei adat.

Dalam nan, asal kadha khan ka bruk ndih daok tapa malam dalam nan hu: Ginup angan, harei, bilan, thun ndih tapui, taka ngak tantu angan je menuac urang atau lek taka passport di urang ndih daok tapa malam; makna ndih daok; labik ndih daok tapa malam.

Langiu di nan, ta-eng menuac urang meda hu angan khan brei thau ndih daok tapa malam di angaok VneID meng bruk tame tai khoan VNeID (tai khoan ngak tantu angan je online.

Langiu di nan, ta-eng menuac urang daok meda hu tut angan ndih daok tapa Pabah Bambang Khau tin Online Mentri Kong an meng bruk tame website dichvucong.bocongan.gov.vn; Ruah tame meng tai khoan ngak tantu angan je online.

Hadei di tuk ba angan tame jak jeng blaoh, drei tame hala po di nyu, tame njauk labik “Yaih khan harak gal karja bahrau”, click tame “Tut angan pasang iek labik daok tapa malam”, hadei di nan tame “Brei khan ndih daok tapa malam”, klick tame “Buh harak gal”. Patui di nan, drei ngak bahrau Pathau khan ndih daok saong pabak ginup khau tin tui pandar, klick “khik-Lưu”, di angaok mbaok phone mboh akhar “Pabak bahrau urang ndih daok tapa malam jak jeng” saong payua harak gal”./.