Urang peih radaih oto gah ngak mbang pajeng ba oh tut angan pajeng tuai damuai (talaoh papan taka bien so mbong) blaoh pajeng urang mbang jien, taduan mek kik daok atau mboh tangin tame harak pambuak bruk ye njauk taong phat meng 12-14 trieu ndong, langiu di nan njauk kaoh 6 ndiem tanut harak brei adat peih radaih. Adat hukum ini piah taong phat bruk radaih ta-eng urang min peih ngak yau radaih peih ngak bruk pajeng ba min oh pabak hu dom kadha njauk tui adat hukum.

Urang peih radaih oto pajeng uranaih umo ala 10 thun saong glaong ala 1,35m oh pandar ndap ndap ka nyu laghaih ye meda njauk taong bhat brei kakei canh cao, salih ka tanut taong phat 800.000-1.000.000 ndong dahlau diah. Adat ini oh brei pandar oto tut angan pajeng ba tuai damuai. Tui kadha chung suan piah ka uranaih di nyaom umo nan daok gam haong talei kik haong urang peih radaih  (oh kuhria radaih hu dua kik), urang peih radaih jeng njauk taong bhat meng 800.000-1.000.000 ndong.

Sarak jeng pabak brei taong phat radaih pajeng ba manuac urang tuai damuai meng 8 labik daok tagok oh gam ndap nda di labik tuai damuai urang daok, ndap nda oh daok peih hu atau ngak suan du lieu. Adat ini brie taong phat meng harei 1/1/2029, tanut taong phat meng 1-2 trieu ndong. Yau nan dom jabat peih ngak bruk pajeng ba tuai damuai yau nan meda hu 2,5 thun piah kuhria caga ka bruk sap gap camera di labik kik tuai damuai daok.

Di sarak 168/2024, tanut taong phat ka bruk "oh tuol ginup papan taloh mbien so, pagam suan labik atau jalan ngak, cak ka kaoh mbien so nyu mo, pacang oh brei mboh, paik cakong saong ngak brei salih akhar, taka, sambo mau, thaik binguk, kich thuộc praong sit di nyu" lac taong bhat meng 20-26 trieu ngan haong oto, 4-6 trieu ngan haong radaih patuh. Sarak 238/2026 pabak tame tanut taong phat ini kayua "ngak kan kandah si mboh camera oh mong mboh hu lek taka papan taloh mbien so", yaom lac mbien so nan jeng mong mboh hu meng meta di drei, pagap yau phim phan quang, tal pruh angaok atau janih ndap ngak ka camera oh pasang iek hu.

Urang peih radaih pajeng ba tuai damuai tui harak pambuak bruk ye njauk taong phat meng 1-2 trieu ndong meyah ngak suan kadha hu brei thau dalam harak pambuak bruk, talei angan tuai damuai tau raok, pajeng manuac urang oh hu njauk labik dalam talei angan. Dut haong dom adat hukum klak, Sarak 238/2026 ngak brei cambaih laih jang bruk pandar harak pambuak bruk meng ba-ar min kurang harak pambuak bruk atau talei angan tuai damuai. Tanut taong phat jeng yau klak oh hu salih hagait.

Urang peih radaih pajeng ndap ndap padang ngak, taneh haluk, patau, hareik hareim atau ndap nda oh hu pacang gam di angaok nyu, ngak ka nyu haok druh trun jalan mbak atau piah ka aia haok nduac trun jalan njauk taong phat meng 2-4 trieu ndong. Dut haong sarak 168, adat hukum bahrau pabak brei thau cambaih laih ndap nda padang ngak, gluh tame njaom ndap nda mbuan haok trun jalan, langiu di nan tah klak kadha brei thau cambaih laih ka mui, mbat pacang gam saong oh daok caong khin aia nduac trun jalan ngak kan kandah ka bruk nao mai angaok jalan mbak. Makna di nyu lac, caik ka nyu haok, aia nduac trun jalan, ye urang peih radaih njauk cap taong phat.

Urang peih radaih pajeng ba tuai damuai atau radaih pajeng ba urang dalam sang dalam jabat noi mbo njauk taong bhat meng 3-5 trieu ndong meyah oh mek pagam ndap nda thaot binguk urang peih radaih, ndap nda oh daok pandar hu atau ngak suan du lieu. Dut haong adat hukum klak, sarak 238/2026 peih prong jang tal urang pandar radaih pajeng ba tuai damuai meng 8 labik daok tagok tapa gam radaih pajeng ba dalam sang dalam jabat noi mbo. Po radaih nan lac urang ta-eng ye njauk taong phat meng 5-6 trieu ndong, kapul nyaom ye 10-12 trieu ndong dalam dom bruk dreh yau angaok nan./.