Jaik bahrau di ini, dom tuai damuai Gilang pariak TMCP Ngoại thương Viet Nam (Vietcombank) taduan hu dom harak SMS oh krein brei mboh ka angan je Vietcombank (ngak mangak) haong asal kadha “tanut alin hidiah jien” jaik abih tukvak pagam tui jalan link ini, urang pandar brei tal blah web ngak mangak. Tuk tame jalan link ini, urang pandar njauk bat al blah web ngak ja angan Vietcombank saong pandar pabak dom khau tin gandauk yau ye taka phone, ngan po thẻ, taka so thẻ, harei abih pandar saong ma CVV di dalam bruk "ngak cabaih laih saong taduan tanut”. Tui Vietcombank, tuk tuai damuai tame thẻ hu pambuak haong kaya thiet bi di kol pachot pagat. Bruk papachot pagat ini biak trak kayua blah mek paok jien praong di tuai damuai haong 1 mbang pabak OTP min meda njauk blah mek abih tukvak pandar tanut di kat.

Gilang pariak TMCP Á Châu (ACB) gam gam kakei caga ka 30 kadha pachot pagat meng online. Dom bruk bahrau di kol nyu rah tabiak yau ye dom mbang taong phone “oh ndom meyai hagait” piah mek angan sap ndom meyai, ngak video ngak ja angan gru pato, urang ngak bruk gah y te pathau khan urang dalam sang daok njauk daong cap cuu samar chip atau pambak tabiak dom mbang taong phone, harak haobg asal kadha kareik SIM, bayar jien bac megru, duah urang pambuak bruk online piah blah mek drap ar jien padai…

Gam haong bruk patagok di ilamo ngak kong, abih di nyu nan lac tri tue nhan tao (AI) saong ilamo ngak kong Deepfake, kol bleik mạng meda ngak tabiak thaik binguk, sap yava saong video ngak mangak yau biak piah pagat urang halan tian pabak khau tin atau meyao meyit tui tacei ba di kol pachot pagat. Sa dalam dom bruk hu ngak rilo urak ini lac pachot pagat tapa phone. Dom kol bleik bhian ngak ja angan gilang pariak, jabat kong an, jabat jien je atau labik pabak jitvu piah  mek hu hatai je haong urang. Kol bleik ngak kateik geik meng dom bruk samar chip yau tai khoan njauk kareik, mboh bruk meyao meyit oh yau bhian atau hu pambuak tal bruk ngak chung hukum. Jalan ngak lac pandar urang pabak khau tin te-eng, mat khau, ma OTP atau ngak bruk bayar jien.

Urak ini kol bleik daok pachot pagat dom menuac urang, dom baoh sang pablei salih. Jaik di ini rah tabiak rilo bruk dom kol bleik pambuak haong baoh sang pablei salih saong urang pandar loa bayar jien, khan lac urang daong gah ky thuat piah pamaong tal bruk tame tui atau paglaong kaya thiet bi. Dom kol bleik bhian taonbg phone atau payua harak pandar tuai damuai caid at ung dung tapa dom jalan link oh krein. Dom bruk pandar ini meda hu mã oh siam, brei ka kol bleik blah mek bruk pandar kaya thiet bi urang pandar. Taphia nan, dom kol bleik daok duah jalan mek khau tin ta-eng meuac urang, pandar tuai damuai cuak thaik meteh rup atau pabak ma OTP, mat khau paatame, ma PIN saong dom khau tin pambuak tal tai khoan gilang pariak. Hadei tuk blah mek hu quyen tame phone atau tai khoan di tuai damuai, kol bleik meda hu ngak dom meyao meyit bayar jien suan hukum, ngak khat lahik ka drap ar jien padai.

Kayua yau nan ye dom gilang pariak praong gam gam pathau khan ka bruk pachot pagat saong kakei caga tal tuai damuai piah paglaong bruk caik hatai caga. Tuai damuai oh tame dom jalan link oh krein hu payua tapa harak online, harak SMS atau mang xa hoi oh thau cambaih laih gok agha. Oh pabak dom khau tin kandauk (khau tin the, ma OTP) ka thei. Dom gilang pariak brei mboh oh pandar tuai damuai pabak khau tin bao mat jitvu tapa website, phone, email atau ung dung chat (Zalo, Messenger, Viber…). Tuai damuai brei puac tantu harak patahu khan ma OTP piah duah mboh bruk oh yau bhian./.