Sarak brei adat ka urang njauk taong bhat dalam nan hu: Kapul, baoh sang pablei salih, menuac urang Viet Nam saong kapul, menuac urang negar langiu (ieu katut lac kapul, menuac urang) ngak bruk ngak suan ka bruk brei adat di Sarak ini.

Gam haong dom bruk ngak suan adat brei ka bruk pandar jitvu mang xa hoi, Sarak brei adat: Taong bhat jien meng 20 trieu ndong tal 30 trieu dong ngan haong bruk pambak tame mang xa hoi piah ngak sa dalam dom bruk yau hadei ini:

Pabak, klah rabha khau tin ja tin lau, khau tin oh njauk, ndom mayai thaoh ngak kanjah jhak tal jabat, kapul, angan je di menuac urang;

Pabak, klah rabha khau tin daong ka dom bruk kanjah jhak dalam rahra; ba tagok dom khau tin jina dam o, doi truy; ngak kanjah jhak tal bruk gheih ghang siam mekre di bangsa, ilamo dalam rahra, prein yava di sab hap bini bo oh ka tal tanut taong bhat hinh su;

Tabiak khau tin brei ka bruk kacaoh tak urang, pametai, gaok bala, ngak pahuak;

Klah rabha dom kadha harak mbao, van hoc, seni nghe thuat, patabiak blaoh oh ka hu bruk mbaoh tangin di urang hu quyen so huu glo akaok atau oh ka hu brei ba tabiak atau hu mbaoh tangin pakauk ba tabiak atau njauk cap mek pataom khik;

Yaih khan, pathau khan, klah rabha khau tin ka kaya ndap nda, jitvu njauk pakauk;

Brei thau, klah rabha thaik cih mbaok binguk taneh ia Viet Nam min oh brei mboh atau brei mboh oh njauk brei ka taneh ia di negar;

Brei thau klah rabha jalan link ba tal khau tin di angaok mang hu asal kadha njauk pakauk;

Pambak tame mang xa hoi piah ngak tabiak asal kadha meng bruk phong su, pasang duah, sua tangi tui jalan ngak gah harak mbao;

Dom jabat oh pathau khan tuk padang tai khoan, blah bhap bini, asal kadha, kapul bhap bini di angaok mang xa hoi dalam saong langiu negar tui adat hukum nagar.

Sarak brei adat: Taong bhat jien meng 30 trieu dong tal 50 trieu dong brei ka lek tam sa di dalam dom bruk hit yau ye:

Brei thau, klah rabha khau tin ndom mayai oh njauk ka sajarah, ndom suan ka bruk jak jeng di katmang, ngak cagal bruk gul pataom di taong abih bangsa negar, ndom jhak tal aguma, ndom jhak ka banah likei kamei, ndom jhak ka ralo darah bangs abo oh ka tal bruk njauk taong bhat hukum hinh su;

Ngak brei mblo khau tin daok dalam bruk padauk di karja, bruk kadauk di rai menuac urang saong bruk padauk karei bo oh ka tal tuk njauk taong bhat hinh su;

Pabak, klah rabha khau tin biak ngak srau kadau dalam rahra, ngak khat lahik ka bruk ngak kinh te – xa hoi, ngak kan kandah ka bruk ngak di jabat karja atau urang ngak bruk karja, ngak kan kandah tal quyen saong kein lagaih njauk hukum di jabat, kapul, menuac urang karei bo oh ka tal tuk taong bhat hinh su.

Sarak ini hu ba tame pandar meng harei 1/7/2026./.