Harei 2.5, adei N.G.K (umo 2 thun, daok di xa Hoà Hiệp, Ban raya Ho Chi Minh) njauk amaik phik di nyu gam saong payo di amaik taong paoh trak jaik si matai patuah daong diuk hu. Biak patuah jamo ka adei tuk hu rahra daok taphia mboh saong bruk tame bruk di jabat kong an. Adei K. hu ba tame sang iek ruak dalam tuk gaok rambuas trak ngan haong bruk pasang iek mboh rambuas kayua taong paoh.

Daok adei umo 4 thun daok di Ha Noi oh hu patuah jamo yau nan. Tuk radaih daong chip mai, adei metai paje. Dua adei jeng njauk amaik pajeng gam haong payo di amaik taong paoh adei drei.

Nan tuk medil ka bruk taong paoh, dom rahra urang daok jaik taphia brei ngak hagait jeng ye njauk taong phone tal tong dai, jabat chuc nang halei piah samar drah daong adei sit?

Luat su Đậu Thị Quyên, Kapul luat su Kapul pacang khik rup brei ka uranaih Ban raya Ho Chi Minh ndom lac rilo bruk uranaih njauk taong paoh bat al bruk metai oh lac bruk kanjah jhak rah tabiak dalam sa harei, bo lac bruk taong paoh dui atah.

Kayua yau nan, sa mbang taong phone mai 111, sa mbang khan ka kong an atau tok sa bruk ba tagok panuac ndom njauk tukvak oh tok lac ndom ka bruk taong paoh, blaoh daok lac kein lagaih puac abih piah daong khik hu diuk suan diuk di anek saih.

Hu adei sit brei thau ka bruk khin daong tapa sap hia dui atah, tapa dom laka hu mboh rilo mbang, tapa bruk huac kanda oh yau bhian, bruk kurang prein, njauk kareik, njauk pa-eik, njauk puac dui atah. Khol drei juai maong bruk nan lac “bruk karrei di baoh sang urang”, bo njauk ba tagok panuac njauk tukvak.

Tui Hukum Uranaih thun 2016, tuk mboh atau medil kanda lac uranaih njauk mada hu urang taong paoh, klak tapa oh maong tal atau daok dalam labik kan kandah ye brei pathau khan, khan dil samu ka bruk nan tal jabat chuc nang tame paklah saong pacang khik uranaih.

Tui luat su Đậu Thị Quyên, rahra meda hu pathau khan khau tin tapa rilo talei phone drah capat chip. Dahlau di abih lac tong dai pakat negar pacang khik uranaih 111 danak dak oh mek jien di 24/24 dalam negar, piah taduan khau tin, ndom meyai pathau khan, pambuak saong pacang khik uranaih meda njauk taong paoh.

Di Ban raya Ho Chi Minh, bhap bini rahra meda taong phone tal tong dai 1800 9069 di Kapul Pacang khik quyen uranaih di Ban raya Ho Chi Minh piah hu daong hukum saong pambuak dom jalan pacang khik uranaih. Dalam dom bruk uranaih daok njauk taong paoh, njauk ngak kanjah tapak tal bruk diuk rai atau dom bruk mbuan ngak kan kandah chip, brei taong phone drah chip tal 113 piah ka kapul kong an tame bruk dil samu. Langiu di nan, rahra jeng meda khan haong kong an bhum palei, UB Bhap bini pakat xa, sang bac, kapul urang kamei…

Ban raya Ho Chi Minh urak ini jeng daok peih bruk “sa bambang” daong urang kamei saong uranaih njauk tame bruk taong paoh di dom sang iek ruak yau ye Sang iek ruak Uranaih I, Sang iek ruak Uranaih ban raya saong Sang iek ruak Chan thuong chinh hinh Ban raya Ho Ci Minh. Ini lac bruk bahrau hu bruk daong glaong kayua urang njauk taong paoh oh daok brei ta-eng nao tapa rilo jabat karei gauk piah daong chip. Gam haong nan daong mboh aval saong pacang paklah samar jang ngan haong dom bruk uranaih daok dalam bruk bala hua kan kandah./.