Sarak 133/2026/NĐ-CP ka bruk taong bhat hanh chinh dalam gah gom ndien luc hu brei pandar meng 25/5/2026. Paka 13 di Sarak ini brei adat thau cambaih laih ka dom bruk ngak suan dalam bruk pandar gom ndien saong tanut taong bhat di nan. Tui Sarak ba tabiak, brei pandar meng harei 25-5 anak tal, bruk urang brei pah sang blei ndien tui yaom pablei le gom ndien duh ka bruk daok dang min tapi mek jien gom ndien di urang pah glaong jang adat hukum brei njauk taong bhat meng 20 tal 30 trieu ndong. Adat karja ini piah brei pacang khik kein lagaih di urang pah sang.

Mboh di mata di nyu, bruk mek jien gom ndien “glaong jang yaom karja brei tabiak” di rilo labik sang brei papah hu ngak saong daok rah tabiak biak rilo, ngak mblung brei ka urang pah daok. Oh sa janih lac njauk brei taong bhat jien, urang brei pah sang njauk bayar taong abih paok jien mek laba chung adat hukum brei ka bruk ngak suan (lac dom jien karei) piah bayar ka urang pah sang. Gam tui di nan, brei bayar paok jien mek tame tapa jien laba tui mbaoh tangin dalam harak pambuak gauk. Meyah oh thau tanat cambaic urang bayar, paok jien labaih brei buh tame kadung jien di karja.

Langiu bruk hu pambuak tal yaom jien gom ndien ka urang pah sang, Sarak jeng brei adat tantu ka rilo bruk ngak suan karei dalam bruk pandar gom ndien gam saong dom tanut taong bhat cambaih laih. Bruk ngak kan kandah pacang caga bruk urang pasang iek bruk pandar gom ndien atau khan suan dom urang pandar piah mbang tui tanut gom ndien pandar meda njauk taong bhat meng 3 tal 5 trieu dong; bruk taeng drei pambuak talei pandar ndap nda kaya gom ndien oh ka hu adat brei pasang iek, hiệu chuẩn meda njauk brei taong bhat tal 14 trieu dong.

Tui urang co klaik gom ndien pandar, tanut bhat jeng hu brei adat tui yaom kaom gom ndien njauk co klaik. Cambaih laih di nyu hu lac, meyah yaom kaom ala 1 trieu ndong, tanut brei taong bhat tagok 10 tal 20 trieu ndong. Daok brei taong yaom kaom glaong jang atau njauk tanut cap tui hukum hinh su, harak gal hu salih tapa jabat tui adat di Hukum Hinh su. Njauk caik hatai lac, ngan haong kapul urang pandar gom ndien praong, tanut brei taong bhat meda tagok meng 60 tal 80 trieu ndong meyah ngak suan dom adat ka camariak ky thuat, pandar atau oh ngak njauk lagaih majam ndien.

Tui adat hukum, tanut taong bhat rilo abih dalam gah prein gom ndien luc meda tagok tal 100 trieu ndong brei ka menuac urang jeng ye tagok labaih 200 trieu dong brei ka jabat kapul, njauk tui bruk ngak chung saong tanut ngak chung nan./.