Page ini harei 23/4, di TPHCM, Mban Tuyen giao saong Dan van Trung uong pambuak haong Thanh uy TPHCM gam haong dom don vi pambuak tal peih bruk parang iek Thaok binguk “Viet Nam - Yasa tame sa baoh negar” saong “TPHCM danei yawa miat miat kadha jayak”. Parang iek 153 blah thaok binguk senni nghe thuat biak gheih hu palih ruah meng mbang pakacah saong parang iek nghe thuat pakat negar. Dom blah thaok binguk hu parang iek mbang ini sarak biak gheih, mekre meta taneh riya ceik glai kraong ribaong, anek manuac Viet Nam meng bhum glong tal bhum taneran, kaoh pulao tathik. Parang iek “Ban raya Ho Chi Minh danei yawa miat miat kadha jayak” yaih khan hu 100 blah thaok binguk ban sambo mau saong juk patih brei mboh bruk mesruh metak  biak khang kadang di bol lin saong bhap bini  gah Meraong negar pacang kol Mỹ daong taneh ia.

Pahadar 51 thun Harei Peih paha gah Meraong negar, yasa taneh ia, sa mbang taom gaok biak haduh hatai rah tabiak di phuong Thu Dau Mot, TPHCM. Mbang akok meti, 92 urang kumei pan phao mesruh saong gauk gar urang liet si dalam 5 kapol urang kumei pan phao mesruh pacang kol Mỹ hu mbaok di var taom mbaok. Var taom mbaok oh lac pahadar ka jaman “oh huac metai khik Palei negar padiuk”, bo daok lac kadha bac megru sajarah dakrai ka dom rairah, pamedeih tagok bruk hadah mbaok meta di bangsa.

Hadei tuk Quoc hoi ba tabiak jalan ngak, sarak birau, lang talaih dom kan kandah, tavak tavaiy kayua danak dak dien hat nhan Ninh Thuan, tinh Khanh Hoa daok jhul pasamar bruk bayar jien, daong saong bruk padang labik daok birau, peih taneh padang ngak danak dak. Tui kadha birau, dom po sang ginup harak ba-ar hu jao brei taneh padang sang daok saong oh mek jien pandar taneh. Taong abih taneh mek veik piah padang dua Sang mac dien hat nhan Ninh Thuan 1 saong 2 lac labaih 760 ha, haong jiak 1.400 baoh sang bhap bini brei panduan ba nao labik karei.

Tinh Ca Mau brei peih padang bruk dut iek prein yawa yaok bilan, dut iek ruak ka bhap bini dalam vaktu meng thun 2026 -2030. Tui nan, meng thun ini, yaok bhap bini rahra brei dut iek prein yawa atau dut iek ruak takik di nyu sa mbang dalam sa thun. Mbiah tal thun 2030, tinh Ca Mau kham merat iek ruak ka hu taong abih dom kapol urang yau: uranaih umo ala 24 thun; anek saih, sinh vien; urang ngak bruk di dom jabat, doanh nghiep; urang umo taha  saong  dom kapol urang daong tui jien daong di karja.

 Anak khau tin di Thai Lan hu 732 urang njauk ruak Whitmore, dalam nan hu 23 urang metai, Mentri Y te negar drei hu pachreih kakei rahra oh duh hatai, suhsah, min brei srap gap ngak dom jalan ngak caga ruak ini. Mentri Y te pachreih kakei rahra brei patakik taom gaok tapak haong taneh, gluh, ia kandaong, ia nerak, rilo meng lac dom labik njom nerak, labik njauk ia dauk hadei hajan praong, ribuk ia sua; Pandar jalan pacang caga yau takhaok, takhaok ung, kaya pabang pacang khik tangin tuk ngak bruk, ngak hamu, ngak bein, ramik hacih sa-at labik daok...piah caga ruak.

Mạng peih ngak iek dahlau 6G akaok meti di Trung Quoc hu ba tame ngak bruk di harei kabroi, di tinh Giang Tô. Mạng ngak iek nan hu pagam dom kong nghe birau di 6G tame mạng 5G urak ini, hu dom lagaih nduac drah samar, pambak praong, takik klaik klaoh, tani tanat saong hu pagam tri tue nhan tao AI dalam, peih catang jang 5G yaok pluh mbang. Trung Quoc padang mạng 5G praong abih di dunya, piah anak tal ngak 6G.

Yaom xang menyek di dunya tagok glong  daok jhul pakhang bruk salih tapa ndik radaih dien di Indonesia, tuk urang pandar dak harei dak palih ruah salih tapa radaih  mac ndien. Rajaei Indonesia khan lac sanya brei patrun bruk pambak tame xang menyek saong jhul pasamar bruk ngak dien khi. Langiu di bruk kinh te, dom bruk kuhria caga ka alam moi truong  jeng brei salih karei di rahra Indonesia hu di bruk ramik pin radaih dien.

Jaik 1.000 urang ndik radaih juah ngui cuh  khan ao di bangsa jauh tapa grauk jalan ban London, piah pamedeih veik bruk sajarah daikrai saong tui ilamo kaya meda di Anh, tui nan  pok meyaom dom siem gheih di radaih juah nan. Dom urang ndik dom sruh radaih Penny Farthing meng kan di abap 19 saong abap 20. Ini lac janih radaih hu dua baoh anak praong saong baoh likuk biak sit./.