Dom khao tin harak gar tui hukum tamuh hadei di nan meda hu pabak brei tame harak urang hu brei harak gar hukum.

Asal kadha mboh hu angaok VNeID gam khao tin ka jalan diuk rai tui njauk adat hukum, tukvak pabak brei khao tin mbang luac di abih saong cambaih laih ka jalan diuk rai tui njauk adat hukum samu haong yaok janih harak gar hukum.

Bhap bani njauk pandar dom kadha dalam harak brei thau angan je tanut 2 piah duah thau ka khao tin ini.

Harak daok ba tabiak jeng brei thau urang hu tanggung jawap quyen pandar mek jabat ngak harak gar hukum pabak tame, pasiam veik thong tin meyah mboh thong tin angan je di drei angaok VneID oh ka njauk.

Bhap bani rahra, jabat karja, kapul ngak bruk brei tanggung jawap hu quyen pandar dui mek harak gar di drei atau brei klak lý lịch tư phap harak brei angan tui hukum, jeng yau dom khao tin hu pabak brei atau daok hu mboh di angaok VNeID.

Jabat karja njauk brei tabriak harak gar njauk tui hukum tuk mboh atau taduan mek hu khao tin chung talaik di angaok VneID ye njauk pasang mong iek veik saong pabak brei tame harak gar.

Bhap bani meda palih ruah buh harak gar caong khin pabak brei harak gar tui hukum online tapa bambang Cong dich vu negar atau tapa VNeID meyah hu blaoh angan je online. Meyah bhap bani oh ka hu angan je online, bruk caong khin ngak harak gar meda hu peih ngak online di dom jabat hu brei bruk atau tapa jit vu mbuu chinh.

Urang jakar taduan mek harak ba-ar caong khin ngak brei harak gar hukum ye njauk pasang iek cambac dom khao tin njauk halei oh di angaok harak ba-ar blaoh ka meng taduan mek, pandar pabak brei atau oh taduan mek bruk lang yah.

Jabat karja peih ngak harak ba-ar, duah thau ka jalan diuk rai tui njauk adat hukum di urang hu pabak brei ngak harak; duah thau khao tin ka bruk pakuak dang tabiak ngak, dak padang atau khik iek doanh nghiep, hop tac xa (meyah hu); ngak harak gar hukum meng ba-ar atau meng online piah ba tagok ka urang hu pan bruk mboh tangin. Harak gar hukum hu ngak blaoh hu ba-yar tapak tui tapa jalan mbuu chinh, tapa email atau angaok Cong jit vu kong pakat negar, angaok VNeID tui jalan bo bhap bani urang khin peih ngak.

Daok Meyah abih masa brei adat ngak blaoh oh ka mboh harak gar, ye jabat peih ngak harak gar hukum njauk payua harak likau maaf am puan saong pagul harei ba-yar harak gar brei ka urang bhap bani.

Ini hu lac yau ye sa tanut bahrau, gam haong di nan ieu lac mbang akaok meti thong tin harak gar hukum hu pataom mek piah brei mboh angaok bruk njauk brei thau angan je online ini./.