Tui Paka 112, Hukum Ngak bruk thun 2019 brei adat ka harei padeih padei raya tet yau ini:

1. Urang ngak bruk hu padeih ngak bruk, mbang tui jien bilan dalam dom harei raya tet yau ini:

a) Tet harei akaok thun Saka ia harei: padei 01 harei (harei 01 bilan 01 saka ia harei);

b) Tet Saka ia bulan: padei 05 harei;

c) Harei Jayah: padei 01 harei (harei 30 bilan 4 saka ia harei);

d) Harei Ngak bruk Dunya: padei 01 harei (harei 01 bilan 5 saka ia harei);

e) Harei Negar: padei 02 harei (harei 02 bilan 9 saka ia harei saong 01 harei danak dahlau atau hadei);

f) Harei Pachip Po Hung: padei 01 harei (harei 10 bilan 3 sala ia bulan).

 2. Urang ngak bruk lac urang negar langiu ngak bruk di Viet Nam langiu di dom harei padei tui adat di khoan 1 Paka ini daok hu padei veik 01 harei dahlau Tet bhap bini bangsa saong 01 harei Taneh ia di negar urang nan.

3. Yaok thun, patui tame kein lagaih, Thu tuong Rajaei mbaoh tangin cambaih laih harei padei di tanut b saong tanut đ khoan 1 Paka ini.

Tui di nan urang ngak bruk brei hu padei dom harei Tet dalam nan hu:

- 02 harei tet lac Tet Saka ia harei (padei 1 harei), Tet saka ia bulan (padei 5 harei);

- Harei Jayah (harei 30 bilan 4 saka ia harei);

- Harei Ngak bruk Dunya: 01 harei (harei 01 bilan 5 saka ia harei);

- Harei Taneh ia Negar: 02 harei (harei 02 bilan 9 saka ia bulan saong 01 harei danak dahlau atau hadei);

- Harei Pachip Po Hung: 01 harei (harei 10 bilan 3 sala ia bulan).

Gam saong di nan urang langiu negar ngak bruk di Viet Nam langiu di dom harei padei raya yau bau blaoh daok hu padei 01 harei Tet bhap bini bangsa negar saong 01 harei Taneh ia di negar urang nan.

4. Tui Paka 98 Mentri Ngak bruk thun 2019 brei adat ka urang ngak bruk ngak dalam harei padei hu bayar jien bilan tui yaom jien bilan atau jien bilan hu bayar tui bruk daok ngak yau ini:

+ Di harei bhian, takik abih lac samu 150% yaom jien bilan;

+ Di harei padeih padei yaok bhian, takik abih samu 200%;

+ Di harei raya tet, harei padei hu mbang jien bilan, takik abih samu 300% yaom jien bilan, oh ka kuhria tal jien bilan harei raya tet, harei padei hu mbang jien bilan ngan haong urang ngak bruk mbang jien bilan harei.

- Urang ngak bruk hu ngak bruk di vaktu malam ye hu brei bayar tagok takik abih samu 30% jien bilan kuhria tui yaom jien bilan atau jien bilan bayar tui bruk di harei ngak bruk bhian.

- Urang ngak bruk ngak tagok tukvak di vaktu malam ye langiu di bruk bayar jien bilan tui adat di khoan 1 saong khoan 2 Paka 98 Mentri Ngak bruk 2019, urang ngak bruk daok hu bayar tagok 20% jien bilan kuhrua tui yaom jien bilan atau jien bilan tui bruk ngak di vaktu harei di harei ngak bruk bhian atau di harei padei yaok adit atau di harei padei harei raya tet./.