Tui kakai brei mboh lac, dom kon bleik bhian padang website, fanpage atau dom angan mạng xã hội lau ja angan gilang mbang jien, kông ty jien padai dan saong dom jabat hu angan. Kon bleik nyu pandar angan, thaik binguk, logo, ban sambo dreih dreih dom labik hu angan jie piah bleih rahra bhap bini. Langiu di nan nyu daok mek angan gilang mbang, mek angan juru pato tacei gah jien ndo pambuak saong urang piah yaih dom danak dak tiết kiệm hu raba meng 15%, 18%, mada jeng hu yaom raba 20%/dalam sa thun, gam tui di nan daok janji paguon sinya raba glaong, suak jien sanang dan saong khik pabak biak karo sil.

Hadei di mek hu hatai, dom kon bleik cap bhap bini rahra payua jien tame tài khoản taeng atau angan tài khoản oh njauk jabat tín dụng biak; gam tui di nan pato ba jalan tame link lau ja, dak pandar ứng dụng oh njauk gok gha atau brei khaotin oh brei ka hei thau yau ye angan tame đăng nhập, angan mật khẩu gilang mbang jien điện tử, mã OTP, mã brei mayit mayao, khaotin gilang mbang. Bien halei hu dom khaotin ini, dom kon bleik pan bruk kak angan tài khoản dan saong tamen bruk bleik blah jien urang.

Langiu di nan, dom kon bleik daok patabiak harak pablaih barat, harak baar lau ja yaih hu mã QR. Tuk urang bah mã, taong phon mada cok tame dom website ja lau atau tamuh lek taka angka phon kon bleik salih. Kon nyu mek angan urang ngak bruk gilang mbang jien daong ba jalan brei dom khaotin taeng urang, ngak mangak dom janih kadha piah bleik baoh kadha piah co piah blah jien ndo kaya ngui urang.

Dng anak kadha nan, Công an Hà Nội kakei bhap bini rahra caik hatai caga anak panuac paluo pachot urang payua jien ndo tame tiết kiệm, buh jien ngak mbang mek raba oh bhian. Njauk di nyu, dom raba di dom gilang ngak mbang blei salih hu mbat niêm yết, ngak njauk adat hukum. Dom panuac yaih brei ka “pok jien kali klih tiết kiệm oh pandang”, “yaom payua dalam”, “yaom raba biak chreih brei tukik ka tuai damuai” gam tui yaom raba glaong atah di bhian biasa mbuan si tamuh bleik salih.

Rahra bhap bini njauk ngak dom janih siam lagaih tui hukum brei ka bruk payua jien kali klaih tiết kiệm tapa njauk dom gilang mbang jien jabat karja, website biak atau dom jabar tín dụng karja. Dalau si tame atau pandar mayit mayao tapak trực tuyến, caik hatai ieik glang cambac angan website, labik dhua tame truy cập atau gok gha asal brei pandar di nyu. Juai brei ka kon nyu angan jie rup taeng, mã OTP, mã angan PIN, angan lek kat jien ka urang karei; oh payua jien tui lek taka mạng xã hội atau dom labik ieu phon mek angan urang ngak bruk di gilang jien dalam tuk drei ka oh thau cambac tantu nyu.

Tuk mada mboh yau dreih bleik salih yau ye brei blaoh ka kon bleih khaotin, payua jien ka kon bleik, rahra bhap bini brei drah samar pambuak saong gilang jien piah gam kak angan tài khoản, pacang caga mayit mayao jeng ye brei capat khan tal jabat polih Công an labik jaik taphia di abih piah hu daong dil samu.

Bruk caik hatai caga khik, dang tapak rup drei ieik brei njauk tantu atau oh dom khao tin jeng ye njauk ngak tui dom panuac kakei di dom jabat thau bruk ieu lac jalan siam lagaih brei ka bruk caga ndap nda kaya ngui di bhap bini, jeng ye brei daong caga, pacang hu dom kon bleik salih gah kông nghệ pakat glaong di angaok mblang mạng./.