Bruk hu ngak rilo abih di urak ini lac ngak mangak mek angan urang jakar Bao hiem xa hoi (BHXH). Dom urang nan taong phone atau payua harak tapa Zalo, ta-eng lac urang ngak bruk di jabat BHXH saong pandar rahra “pasamu du lieu”, “tame ung dung VssID" atau "salah blaoh harak gal huu tri”. Hadei tuk mek hu hatai je, kol nyu pandar rahra pabak lek angka can cuoc rahra, khau tin tai khoan gilang pariak, ma OTP atau ngak dom bruk ngak ca,baih laih ngan haong makna lac pasamu du lieu.

Oh takik urang praong thun umo daok mbang tui jien bilan padeih tui sarak karja brei ka urang hu umur taha huu daok njauk pandar ba can cuoc rahra nao tal jabat BHXH piah “pasamu khau tin”, atau cuak ayut tapa Zalo piah hu tacei ba pabak du lieu. Meng ini, dom kol bleik palue pachot urang payua jien atau klaik mek khau tin menuac urang.

BHXH Viet Nam hu rilo mbang brei mboh oh hu jalan taong phone, payua harak pandar rahra pathau khan atau pabak khau tin di drei, tai khoan gilang pariak piah langyah dom sarak. Grauk bruk ngak hu pambuak tal BHXH, BHYT saong bao hiem oh hu bruk ngak jeng hu ngak tantu, oh mek jien tapa Bambang Jitvu karja pakat Negar, Bambang Jitvu karja BHXH Viet Nam atau ngak tapak di jabat BHXH.

Langiu bruk ngak mangak mek angan urang jakar BHXH, tukvak jaik ini daok rah tabiak rilo angan tai khoan mang xa hoi yaih khan jitvu “ngak bao hiem oh hu bruk ngak taong abih”.

Akaok bilan 7 meng blaoh, Pasak Jitvu bruk ngak Ban raya Ho Chi Minh petui pathau khan kakei caga ka bruk bruk urang pambak tame hatai caong mbang tui bao hien oh hu bruk ngak piah pelue urang ngak bruk, oh tok lac di mang xa hoi blaoh daok di labik taduan harak gal. Langiu bruk ngak mangak mek angan urang jakar ngak gah BHXH, tukvak jaik ini daok rah tabiak rilo tai khoan mang xa hoi yaih khan jitvu “ngak bao hiem oh hu bruk ngak taong abih”.

Dom kol bleik daok pandar ilamo ngak kong piah ngak lau ja website, fanpage, angka phone, gaok main gak thaik thaot dreih yau jabat BHXH atau gilang pariak piah ka urang kan si thau halei biak - halei lau ja.

Mikva oh pabak angka can cuoc rahra, angan mat khau, ma OTP atau khau tin tai khoan gilang pariak ka thei ta-eng lac urang jakar BHXH tapa phone atau mang xa hoi. Oh tame dom jalan link oh krein, mek trun ung dung atau bah ma QR meng dom harak oh thau mai meng halei, yaom lac asal kadha yaoh khan dui pachreih tal halei.

Urang ngak bruk jeng brei caga haong dom jitvu taduan ngak harak gal bao hiem oh hu bruk nga, njauk ndom tal lac dom panuac sanya yau ye “khik kajap hu mbaoh tangin”, “mek jien samar”, kayua bruk mbang tui bao hiem oh hu bruk ngak oh hu “jalan panak nao lagaih karei”.

Njauk ndom tal lac, dom pasak jitvu brei bruk ngak oh mek jien halei tuk taduan saong langyah harak gal mbang tui bao hiem oh hu bruk ngak. Rahra oh brei salih jien ka thei atau kapul halei tui panuac sanya ngak harak gal.

Grauk taong abih dom harak gal tok brei ngak tapa Pabah Mbang Jitvu karja pakat Negar atau ngak tapal di Pasak Jitvu brei bruk ngak saong jabat BHXH bhum palei piah hu tacei ba oh mek jien. Meyah duah mboh bruk chot pagat, brei pathat khan aval samar ka jabat kong an piah hu daong langyah, gam haong di nan daong pacang cakak dom bruk ngak chung patui veik klah rah tabiak./.