Tui dom urang gah an ninh mạng, dam dara uranaih nan lac nyaom urang mbuan jeng nạn nhân di kaol kanjah jak angaok mạng kayua caik brei rilo tukvak angaokkhông gian mạng. Njauk huac kanda, angaok Facebook, TikTok atau Telegram bhian hu mboh dom panuac daa biak bingi pang yau “taong mac pah”, “nhập harak gar online”, “palao tim TikTok”, “ngak bruk mek hu jien chip”… taong tame hatai caong khin duah bruk dalam tukvak hè di anek saoh, sinh viên. Rilo urang ranaih tuk hu mbaok tame dom bruk ngak ini, tuk akaok mereip tok khin panduan 100.000 đồng, ye gilac mek hu 150.000 đồng, piah ngak jeng hatai jia, min hadei di nan hu daa peih ngak  nhưng sau đó sẽ được mời thực hiện “bruk ngak”, ngan haong yaom jien dak harei dak glaong jang. Sa anek saih sinh viên likau paduak angan hu daa ngak bruk online – khan brei thau:

" Tok ngak partime min, bruk ngak bo kaol nyu khan brei thau nan lac brei tame harak gar. Bruk oh caong brei thau ka cambaih laih, oh caong khin harak ba-ar hagait, nao tame ngak bruk chip. Akaok mereip tok lac peih tài khoản saong kaol nyu buh jien tame. Kaol nyu ba adei tame sa ứng dụng tin nhắn karei  saong tuk nan ye hu dom urang karei saong kaol nyu tacei pato ka dahlak ngak jeng sa đơn pandap: njauk buh jien tame đơn pandap. Hadei di nan meda ba tabiak dom pok prong jang."

Hadei di dom mbang taduan mek hu jien, dom urang pagait njauk jak ba buh tame dom triệu tal dom pluh triệu đồng, ngan haong panuac pagun mek hu kein laba glaong jang. Yau nan min, tuk yaom jien ginup prong ye kaol kanjah jak nyu oh brei pambuak pagam tra saong meblah mek taong abih yaom jien nan. oh lac cagat mek jien padai, kaol kanjah jak daok pamong tal dữ liệu cá nhân saong angan je di urang pandar. Tok khin thaik binguk căn cước bhap bani, video brei mboh mbaok meta, atau mã OTP,... ye kaol kanjah jhak meda peih hu tài khoản gilang pariak, mesre jien tapak atau peih ngak dom bruk ngak suan adat hukum ala angan je di nạn nhân.

Anak bruk yau ini, dom jabat karja kakei bhap bani, abih di nyu nan lac kaol dam dara ranaih juai jia tame dom panuac iew lac “bruk njuan jien bilan glaong”, oh pabak brei khaw tin ka urang karei angaok mạng. Đại úy Phan Hoàng Sử, ngak bruk di Công an phường Trấn Biên, Ban Đồng Nai – khang panuac lac:

"Bruk njauk caik hatai ngan haong dom anak saih nan lac juai nhắn tin haong urang parat angaok mạng, bo dom urang bo drei oh thau krein jak ba khaol drei nao ngak bruk pak atah, piah hu jien mek tame dalam tukvak hè ini. Dom ayut sahabat oh nhắn tin haong urang parat saong oh nao tui urang parat yau ini. Hu hagait khaol drei njauk khan brei ka urang prong thau tal dom mbang ndom biai haong urang parat angaok mạng. Njauk pacang khik rup drei, plaih njauk dom “bẫy” bruk ngak ba khaol drei nao tapa gah diah jalan negar."

Oh thei bo jak jeng siam mekre mai meng bruk sahaneng saong jeng oh thei hu jeng urang kein laba brei ka rah ra tuk alah ngak bruk. Rai ranaih dam dara harei ini, dom urang ngak po harei hadei di taneh aia njauk thau cambaih lac: Ngak bruk oh lac jalan duah jien raong rup, bo daok lac piah ka drei jalan piah gai laik ka jalan diuk rai saong hatai iek prong rup drei. Tok hu palak tangin ngak bruk saong glo akaok hadah krah meng dak padang hu mbang angui ka harei hadei./.