Mentri Kong an brei thau harak ly lich tu phap hu pabak meng bruk online atau meng harak bi-ar saong hu yaom kaom phap ly yau gauk.

Mai meng hatai caong lagaih, piah khik kajap quyen loi njauk hu di rahra Viet Nam tuk ngak harak hu pambuak haong dom jabat lambaok pambuak langiu negar di Viet Nam, Mentri Kong an anak meta pabak rilo abih duah harak phieu ly lich tu phap meng harak bi-ar.

Patui di nan oh mek jien rahra hu pabak harak ly lich tu phap online tuk rahra nan brei mboh hu gam haong dua kein lahaih:

Brei mboh hu jalan pandar harak ly lich tu phap meng harak bi-ar piah ngak harak gal haong dom jabat lambaok ka gah pambuak langiu negar.

Pagap yau likau tabiak ngak bruk di negar langiu, daok di negar langiu, bac megru, jeng rahra negar langiu…, hu harak brei mboh lac harak pambuak pabak urang ngak bruk; harak pambuak ngak bruk haong urang brei bruk ngak di negar langiu; harak pathau khan nao bac…

Kein lagaih ka dua lac harak gal di jabat lambaok ka pambuak langiu negar caong khin rahra brei patabiak harak ly lich tu phap meng harak bi-ar.

Pagap yau harak bi-ar, binah harak likau tabiak ngak bruk di langiu negar atau nao bac megru, daok pandaok… hu caong khin harak ly lich tu phap harak gok, harak bi-ar.

Mentri Kong an brei thau danak, bruk ngak hu mbat taok cambaih laih di gah sa bambang di Cục Harak gal bruk ngak saong kong an pakat tinh.

Rahra meda caong khin pabak harak phieu ly lich tu phap meng harak tapak di jabat hu tham quyen pabak harak phieu ly lich tu  phap atau ngak online di majam pasang iek ly lich tu  phap.

Dom jalan ngak yau ye:

Yang ka 1: Rahra nao tapak tal jabat hu tham quyen pabak harak ly lich tu  phap atau pandar tai khoan ngak cambaih laih angan je ndien tu tanut 2 tame majam he thong di https://lltp.bocongan.gov.vn piah duah harak ly lich tu phap ndien tu hu pabak, ngak harak gal caong khin pabak harak ly lich tu phap meng harak bi-ar.

Yang ka 2: Bruk nao tal tapak jabat hu tham quyen pabak harak phieu ly lich tu phap, rahra patabiak harak bi-ar, harak brei mboh ka bruk likau pabak harak ly lich tu phap meng harak bi-ar. Rahra gam di nan brei thau hatai caong khin harak ly lich tu phap meng harak bi-ar di jabat lambaok pambuak langiu negar di Viet Nam.

Bruk ngak di majam khau tin ly lich tu phap, rahra pagam tui harak scan dom harak gal brei mboh nan piah salah blaoh harak gal caong khin pabak harak ly lich tu phap meng harak bi-ar.

Yang ka 3: Jabat hu tham quyen pabak harak phieu ly lich tu phap in harak, mbaoh tangin di harak ly lich tu phap meng harak bi-ar khik kajap njauk asal kadha, tukvak pabak tui harak ly lich tu phap online brei ka rahra.

Taong abih tukvak ngak pabak harak phieu ly lich tu phap meng harak bi-ar oh tapa 8 tuk ngak bruk kuhria meng tuk rahra salah blaoh jalan yangka 2.

Yang ka 4: Jabat hu tham quyen pabak harak phieu ly lich tu phap bayar bruk kuhria hu tapak atau tapa jitvu buu chinh tui caong khin di rahra./.