“Cuak thaik can cuoc payua tapa Zalo ka sa-ai nye”, “Payua passport tapa Messenger piah sa-ai pasang iek khau tin”… Dom panduac payua yau nan dak harei dak bhian randap tuk hu rilo harak gal, bruk ngak hu langyah tapa phone. Yaom lac bruk payua harak gal tapa ung dung payua harak hu ngak rilo, urang pandar jeng kan si thau saong kan pasang iek taong abih khau tin di drei hu khik piah, pandar yau habar hadei tuk “payua”.

Tui ong Nguyễn Hải Anh, Akaok jabat Pacang caga saong Pasang iek lek taka sok, Kong ti Co phan An ninh mang Viet Nam VSEC, urang dalam Kapul G-Group, di gah khik kandauk, urang pandar oh brei payua harak gal ngak tantu angan je tapa do mung dung payua harak khao tin.

Ong Hải Anh brei thau: “Tuk drei payua tapa yang ka klau ye mada hu sa bruk kan kandah halei rah tabiak. Beruk payua tapa Zalo atau Messenger tui gah maong ka bruk khik pakandauk, drei sahaneng lac oh njauk juai ngak yau nan”.

Tui urang jru ilamo, tuk pabak baoh kadha di drei, urang pandar website, bambang khau tin pasak di jabat Karja atau kapul hu angan drei je.

Kan kandah oh daok di Zalo atau Messenger blaoh daok meda rah tabiak meng jamariak urang payua saong urang taduan mek nyu. Komputer, phone meda njom ma jhak, tai khoan angan jie di drei meda njauk bruk pasang iek atau du lieu hadei tuk taduan meda patui veik njauk khik piah, copy saong payua ka urang karei.

Mac di ayut cuai njom ma jhak kanyah atau phan mem di kol bleik co klaik baoh kadha menuac urang halei oh ye drei oh pasang iek hu. Gaok mai phone di drei njom ma jhak drei jeng oh ka thau. Nan tuk payua tapa dom nen tang ka klau tuk halei jeng hu sa bruk kan kandah ka bruk khik kandauk.

Kat kan cuoc, passport meyah laik tame urang jhak meda njauk pandar piah ngak mangak angan je, peih tai khoan, mesraiy jien atau duah jalan truh tapa dom jalan ngak cambaih laih ndien tu. Tuk harak gal njauk copy, patabiak, urang pandar jaik yau oh meda pasang iek hu nyu pandar ka bruk hagait. Kayua nan, dahlau tuk payua brei pasang iek tani tanat urang taduan saong bruk njauk ngak di bruk pabak khau tin.

Biak di nyu mboh, jeng hu dom bruk urang pandar brei payua harak gal tapa Zalo atau Messenger piah duh ka bruk ngak, harak gal. Tuk nan, urang jru ilamo pachreih brei patakik payua tapak tep du lieu di bruk meda peih hu chip.

Sa bruk mbuan di nyu lac nén tep, padang mat khau angan oh urang thau ka urang taduan tapa sa kenh karei. Pagap yau, khol drei meda hu nen tep, padang mat khau blaoh payua tapa Zalo. Hadei nan payua mat khau ini ka urang taduan tapa Messenger.

Langiu di bruk di jamraik ky thuat, urang taduan jeng lac asal kadha njauk caik hatai sangka. Tui ong Nguyễn Hải Anh, yaom lac nen tang hu dom co che khik kandauk, urang payua jeng oh meda pasang iek hu bruk urang taduan njauk brei ngak hagait haong baoh kadha du lieu nan.

Kayua yau nan ye, dalam bruk njauk payua, ngak tantu urang taduan, tok pabak dom khau tin njuak hu saong pandar veik tal pacang khik ka tep baoh kadha du lieu.

Tok dom wak minit piah payua harak gal hu makna, min bruk jhak rah tabiak mayah khau tin mblo tabiak meda dui atah. Brei pasang iek sa mbang tra dahlau tuk “payua” jeng lac hu sat al pacang khik ka dom baoh kadha du lieu saong angan je di drei./.