Dom mbang livestream barat, dom bruk kadha pacuh “harak kakei blei” yaok pluh trieu jien dong payua di mbaok jamraik man hinh. Biak rilo urang di dalam negar meng Barak tal Meraong njauk laik tame bruk plue ini. Tok tal tuk njauk bruk “nẹp tích” – lac bayar jien takai rilo piah hu jien mayaom, dom urang meng thau ka bruk.

"Nyu tadhau ayuh sa-ai kamei njauk intan, gah rayo blei gilac 300 trieu. Min pandar brei payua ginup 50 trieu jien takai ka ke toan katih meng payua brei jien. Dahlak samar chip nao duah mesraiy, bahrau payua jien nao lac nyu lahik dhit…”

 Bahrau di ini, Kong an tinh Lao Cai hu yah rilo jalan talei pacuh pachot pagat “tuh patau”, dalam nan hu kapukl ngak bruk praong pambuak meng Campuchia mai Viet Nam, meblah yaok ty dong. Oh mboh hu “kapul patau intan” halei, labik vang mek oh lac dom tadai di dalam glai atau dom bilik kareik sir. Ka bruk ngak di kol bleik, Trung ta Bùi Đức Tùng, Urang Pasang duah Jabat Canh sat hinh su, Kong an tinh Lao Cai khan brei cambaih laih:

Dom kol bleik mek thuy tinh kong nghiep ngak mangak patau intan, pambak tame gah oh hu camera pasang piah tame ngak. Kol nyu pandar rilo tai khoan ja lau ta-eng comment hu taduan jien yaok rituh trieu. Gam tuk nan, dom urang maong mboh saong je tame, bayar jien blaoh lac oh tuk halei njauk hu.

Tui kol bleih saleik di langiu, mek hu lac mek gam kaya ngui ngak bleik di nyu. Min tui kol bleih angaok mang, mek hu lac yaok pluh Terabyte du lieu baoh kadha, yaok pluh ribau harak njauk angan mã hóa meda lahik tok hadei sa bruk “Tayah”. Piah ngak cambaih bruk bleik saleik di nyu, Jabat iek glang rahra dom pakat oh meda cang Jabat pasang duah panduan harak gal, blaoh brei pagam taphia labik meng di tukvak akaok meti piah maong iek luac jalan patabiak camera, mbat taok kareik kaya ndien tu. Ong Lưu Tuấn Cường, Phaok akaok Jabat kiem sat rahra tinh Lao Cai ndom mayai lac:

Labik mang salih yaok tukvak. Dom urang pandar kong nghe AI piah cakak pagam thaik thaot, pagam sap ndom. Kayua yau nan ye bruk pasang iek brei pagam taphia tui dom du lieu, jien padai. Jalan ngak oh tok taong bhat urang bleik saleik, blaoh daok brei patagok pambuak haong gilang pariak saong dom nen tang online piah duah mboh meng aval, cakak dang jien, plaih khat lahik ka rahra.

Meng dom meyao meyit dauk pandauk angan di angaok mang ja lau, tal tuk ngak tantu cambaih laih anak hukum nagar ieu lac sa luac jalan kan kandah. Bruk gam gam patayah jalan talei pacuh pachot pagat brei mboh “hanyol halam pasei” di dom jabat pacang khik hukum daok dak harei dak kak kajap. Min, dahlau tuk hukum dil samu pacang cakak, bruk caga karo kajap abih lac thau caik hatai caga, tui bruk “padeih gilac blaoh khik inem” di yaok rahra di angaok mang./.