Tui khoản 1 Paka 188 Hukum taneh riya thun 2013, urang pandar taneh hu quyền pablei taneh tuk hu ginup dom paka yau ini:

Paka k1: Hu harak chứng nhận (ieu katut lac sổ đỏ), langiu di 2 bruk hu tacei tabiak di Khoản 3 Paka 186 saong urang taduan thừa kế hu tacei tabiak di Khoản 1 Paka 168 di Hukum ini.

Paka k2: Taneh oh hu bruk meblah gauk;

Paka k3: Quyền pandar taneh oh njauk kê biên piah thi hành án;

Paka k4: Daok dalam vaktu pandar taneh.

Yau nan, sổ đỏ lac 1 dalam dom janih harak gar brei hu tuk pablei taneh. Meyah lahik sổ đỏ, bhap bini njauk nao ngak veik sổ đỏ tui Sarak 43/2014/NĐ-CP meng hu quyền pablei taneh.

Tui Paka 77 Sarak 43/2014 di Rajaei, bruk ngak veik Sổ đỏ lahik hu ngak yau ini:

Ka 1: Urang lahik sổ đỏ brei pathau khan haong UBND pakat xã labik hu taneh thau ka bruk lahik sổ đỏ.

Ka 2: UBND pakat xã niêm yết brei thau bruk lahik Sổ đỏ di jabat, langiu di bruk lahik kayua bala meng langik tasik, kayua pui khuah.

Hadei di 30 harei, kuhria meng harei niêm yết brei thau bruk lahik sổ đỏ, urang lahik sổ đỏ ngak  1 bộ hồ sơ likau ngak veik sổ đỏ.

Ka 3: Nộp harak gar likau ngak veik sổ đỏ di dhar jabat tut angan taneh riya pakat huyện, labik hu blaoh bruk “Bộ phận 1 pabah mbang” ye nộp di labik sa pabah mbang nan. Labik oh ka hu dhar jabat tut angan taneh riya atau “Bộ phận sa pabah mbang” ye nộp di dhar jabat tut angan quyền pandar taneh di Phòng Tài nguyên & Môi trường.

Baoh sang, menuac urang nộp harak di UBND pakat xã meyah caong khin.

Tukvak ngak veik: Oh tapa 10 harei kuhria meng harei taduan mek ginup harak gar, oh tapa 20 harei di dom xã bhum ceik, pulao kaoh, bhum atah bayah, bhum kan kandah, bhum hu bruk ngak mbang biak kan kandah.

Yau nan, meyah bhap bini oh ngak veik sổ đỏ ye oh pabak ginup bruk piah pablei taneh. Hadei di tuk ngak veik ye bhap bini hu sổ đỏ bahrau, langiu di sổ đỏ, meyah hu ginup 3 paka daok veik ye hu quyền pablei taneh di drei daok ngak po./.