Bảo hiểm xã hội Việt Nam bahrau tabiak sarak ka jalan ngak dua nyaom harak gar hành chính sa mbang haong gauk.Cambaih laih, dua njaom bruk ngak harak gar sa mbang haong gauk lac “harak khai sinh – harak thường trú - harak bảo hiểm y tế ka uranaih umo ala 6 thun” saong "Harak khai tử - harak klaak thường trú – harak daong jien ngak ndam metai" meda hu peih ngak dalam negar.

Ngan haong nyaom “Harak khai sinh - harak thường trú - harak bảo hiểm y tế ka uranaih umo ala 6 thun”, ame/amaik/urang iek glang/gauk gar di uranaih umo ala 6 thun tok vak ka nyu ginup, njauk haong Blah khai điện tử liên thông tut angan ngak harak khai sinh, harak thường trú saong harak bảo hiểm y tế ka uranaih umo ala 6 thun tui mẫu angaok cổng dịch vụ kong negar.

Hadei di tuk taduan hu hồ sơ điện tử meng phần mềm dịch vụ kong liên thông, jabat bảo hiểm xã hội taduan mek, langyah tui njauk adat hukum.

Meyah harak gar njauk, tukvak ngak hrak bảo hiểm y tế ka uranaih umo ala 6 thun oh tapa dua harei ngak bruk.

Ngan haong nyaom ngak harak khai tử, bhap bani dalam negar meda ngak harak  khai tử ka urang metai saong likau jabat bảo hiểm xã hội daong  jien ngak ndam metai atau ngak brei harak padeih mbang jien “trợ cấp tuất” yaok bilan tapa dịch vụ kong liên thông “Tut angan ngak harak khai tử - harak palahik thường trú - harak daong jien ngak ndam metai".

Tui adat, jalan ngak harak gar sa mbang haong gauk ini angaok Cổng dịch vụ kong negar hu peih ngak di jabat bảo hiểm xã hội ngan haong urang metai  daok dalam 6 kadha yau hadei di ini:

+ Urang daok mbang jien lương hưu, jien daong bảo hiểm xã hội yaok bilan.

+ Urang daok khik tikvak đóng bảo hiểm xã hội bo dahlau di nan hu  đóng bảo hiểm ginup 12 bilan tagok.

+ Urang halan hatian blei bảo hiểm xã hội bo dahlau di nan halan hatian blei bảo hiểm xã hội meng ginup 60 bilan tagok.

+ Urang halan hatian blei bảo hiểm xã hội bo hu đóng bảo hiểm xã hội bắt buộc meng ginup 12 bilan tagok atau hu abih tih tukvak đóng bảo hiểm xã hội bắt buộc saong halar hatian meng ginup 60 bilan tagok.

+ Urang daok cang ginup điều kiện piah mbang jien bilan padeih hưu, jien daong yaok bilan.

+ Urang umo meng ginup 80 thun tagok daok mbang jien “trợ cấp tuất” yaok bilan.

Bruk ngak harak gar sa mbang haong gauk daong patrun meneing tukvak, jien padai nao mai di bhap bani. Urang caong khin ngak harak gar tok peih ngak 1 mbang min meda taduan hu 3 harak gar gam tui.

Abih di nyu lac, bruk pambuan adat ngak harak gar ini oh njauk lac tok paglaong siam lagaih bruk khik iek, chất lượng duh ka bhap bini bo daok khik kajap quyền lợi ka urang hu mbaok tame saong mbang tui sarak bảo hiểm xã hội, bảo hiểm y tế yau: patrun jien sao in harak gar, kết quả langyah, tukvak panduan ba harak gar; gam haong nan daok pasiam veik bruk suan thong tin, ngak ja harak gar, pambuan bruk ngak harak gar hành chính,…/.