Khoản 2 Paka 27 Sarak 15 thun 2018 di Rajaei tacei pato cambaih laih bruk peih ngak dom paka di Hukum Salamat pandap mbang, tacei lac: “Oh pandar thaot binguk, jamriak mac moc, khan ao, angan, thư tín di dom labik y tế, bác sĩ, dược sĩ, urang y tế, harak thư dhar phor di urang ruak, kadha vak di bác sĩ, dược sĩ, urang y tế piah yaih khan pandap”.

Tui Cục Salamat pandap mbang (Mintri Y tế), bác sĩ, lương y, urang y tế halei hu mbaok tame yaih khan pandap khik caga prein yava lac ngak suan adat hukum urak ini.  Gam haong nan hu panuac kakei lac: "Urang blei pandar  njauk caik hatai sangka haong dom clip yaih khan lac bác sĩ, lương y, tacei jalan iek ruak, tacei jalan pandar pandap taong ruak". Rahra jeng brei paglaong hatai sangka haong dom clip yaih khan lac urang ruak, pandar pandap chức năng, pandap khik caga prein yava meda abih ruak.

Tui gah chuyên môn di Mintri Y tế, bruk brei thau dom khau tin tui dom asal kadha yaih khan suan di bruk biak, ngak ka urang ruak oh nao tal chip dom labik y tế piah hu iek ruak, taong ruak samar drah, meda klaak tapa tukvak taong abih ruak, ngak khat lahik jien padai, jhak ka prein yava.

Jaik di ini, dom sang iek ruak, dom bác sĩ gam gam njauk kol kanjah jhak mek angan piah pablei pandap chức năng. Harei 18/5, lambaok sang iek ruak Trung ương Quân đội 108 (Hà Nội) brei thau lac mangaok dom mạng xã hội hu video di urang lac bác sĩ yaih khan tapuk ka bruk mbang menyum di urang phương Đông "meda abih ruak".

Video ini hu klah rabha veik di dom blah Facebook cá nhân hu labaih 200.000 urang tui iek, ngak brei urang jia lac "bác sĩ Quân y 108" ndom lac "jalan pasiam ruak tự nhiên" lac "pasiam taong abih ruak", hadei di nan ba jalan urang blei pandap chức năng.

Tui sang iek ruak 108, bruk mek angan bác sĩ piah duah kein laba ka drei, pablei salih pandap chức năng, jru, tapuk ngak jhak tal prein yava di bhap bini, ba tal jalan sahneng suan, oh njauk.

- Pandap khik caga prein yava oh lac jru saong oh hu prein salih ka jru taong ruak. Meyah hu ruak, bhap bini njauk nao tal dom labik y tế piah iek ruak saong hu taong ruak samar drah.

Dahlau di tuk blei jru atau pandap mbang chức năng, bhap bini njauk caik hatai lac:

Duah thau khau tin pambuak tal bruk brei thau saong yaih khan pandap khik caga prein yava di blah web https://congkhaiyte.moh.gov.vn/ saong https://nghidinh15.vfa.gov.vn/  dahlau di tuk pilih ruah, blei pandap.

Maong iek cambaih laih nhãn pandap, angaok nhãn pandap khik caga prein yava tuk halei jeng hu akhar haroh vak lac: “Pandap ini oh lac jru saong oh hu prein salih ka jru taong ruak”; iek cambaih thành phần, tác dụng di pandap piah pandar ka nyu njauk saong khik kajap prein yava.

Blei dom pandap khik caga prein yava hu vak angan, labik di urang taduan trách nhiệm saong labik ngak tabiak pandap cambaih laih.

Blei pandap brei hu hóa đơn/đơn hàng di urang blei piah ngak bằng chứng ka bruk pablei salih pandap di dua gah./.