Ndem ka bruk peih blau taneh, ong Nguyễn Khương – Akaok Chi cục Khik iek glai tinh Khánh Hòa brei thau lac, ngan haong bruk ngak nong, ngak glai, raong kaya ikan gam pambuak haong bruk ngak glai tui adat di khoản 1, khoản 2, paka 60 Hukum ngak gilai hu brei pala pablak gam haong phun ngak nong, phun kayau glai langiu di bruk mek kayau; raong glang saong raong dom kaya ikan di mala halui glai, oh cagar kan ka kayau phun glai.
Hu pandar taneh ka oh hu glai piah ngak nong, raong ikan pambuak gauk, oh ngak palai pajua, khut khat, tachrauk nerak mblang taneh, oh salih bruk pandar taneh glai.
Bruk ngak nong, pala glai pambuak gauk peih ngak tui njauk adat di paka 30 di sarak ka 156 di Rajaei harei 16-11-2018 "Adat tantu cambaih laih ka dom paka di Hukum ngak gilai". Hu brei thau cambaih laih yau ye:
a) Pandar siam lagaih mblang taneh, alam gilai klo piah ngak nong saong raong kaya ikan pambuak gauk haong glai;
b) Peih ngak siam lagaih kein laba di Kanja haong kein di po ngak glai dalam bruk ngak nong, ngak gilai saong raong kaya ikan.
Ngan haong taneh hu glai blaoh: Po ngak glai hu pala pablak pala phun ngak nong, phun gilai langiu di bruk mek kayau, raong glang saong raong kaya ikan mala di halui glai min oh ngak kan cagar mblang taneh, oh ngak patrun yaom tanah riya, oh kan kandah tal bruk pasiam veik di phun kayau di glai.
Ngan haong taneh ka oh hu glai. Po glai hu pandar taneh piah pambuak bruk ngak nong, raong kaya ikan, min njauk pala glai di mblang taneh hu jau brei, hu brei apah, tani tanat lac mblang taneh hu pala phun glai meng 60% tagok ngan haong glai ia mbak hu pambuak gam bruk raong kaya ikan, 70% tagok ngan haong glai karei.
Hu brei pala pablak phun ngak nong, phun ngak kong, phun mbang baoh haong dom kayau phun glai di mblang taneh hu jau, hu brei apah. Oh njauk raong palao anek athur, manuk ada, athur raong di mblang taneh bahrau pala glai, mblang taneh pala di dalam tukvak sangka iek glang phun glai pala.
Hu brei pandar mblang taneh pablak dom lubang pala glai piah ngak nong pambuak raong kaya ikan, oh tapa 40% mblang taneh di taneh gilai hu jau, hu brei pah ngan haong glai ia mbak hu pambuak haong bruk raong kaya ikan saong 30% mblang taneh di glai hu jau brei, hu brei pah ngan haong glai karei.
Po glai hu brei mbang abih tih dom pandap panda pataom mek hu meng dom bruk ngak nong, ngak tasik pambuak raong kaya ikan tui adat di khoản 2, khoản 3 paka ini.
Urak ini, hukum ka gah glai hu brei adat ngan haong dom bruk ngak sang taik tahak, sang kathaop piah caik, khik piah pandap panda ngak nong atau ngak jalan nao mai di dalam glai.
Ngan haong dom danak dak, kết cấu hạ tầng pabak ka bruk khik caga saong cak rok patagok bruk ngak glai, yau ye ngak jalan pajeng kaya glai, jalan nao pasang iek khik ramik glai, kho, labik pataom kaya glai, jalan pacang caga apui khuah, sang kathaop piah khik iek apui khuah… hu peih ngak tui njauk adat di hukum hu pambuak tal saong njauk ngak tani tanat bruk khik ramik glai saong pacang caga bruk khuah glai, apui mbang glai./.
Viết bình luận