Urang tuk halei taduan hu tin nhan ndok sre 

Javap jalei panuac tangi sua ni, Thống đốc Nguyễn Thị Hồng brei thau, meng panuac khan di menuac sia, di báo chí ka bruk ndok sraiy di dom Cty jien padai, Gilang pariak karja hu pasang iek song mboh lac, njauk brei ramik veik quy định di hukum.

Muk Nguyễn Thị Hồng lac, urak ni, sarak di gilang pariak karja ka bruk brei sraiy di dom Cty jien padai hu ramik veik tui jalan dom công ty oh brei ndok sraiy meng dom bruk đe dọa song tacei tabiak cambaih laih tukvak ndok sraiy meng  mon 9 mesup tal mon 9 melam...

Jeng javap jalei panuac tangi sua di ong Thịnh pambuak tal bruk khik ramik  tài khoản gilang pariak anak bruk pachot ngan song dom urang hu jien dalam tài khoản tuk vak tapa, Thống đốc gilang pariak karja  Nguyễn Thị Hồng brei thau lac adat hukum  ka bruk peih tài khoản gilang pariak hu patabiak ginup, cambaih laih. Gam song bruk patagok di  công nghệ glong, gilang pariak karja jeng hu peih tabiak jalan piah salih tapa bruk ngak di gilang pariak số.

Tui nan, anak tal, brei adat peih  tài khoản tapa jalan điện tử song xác thực tapa điện tử. Thống đốc Gilang pariak karja daok brei thau lac, urak ni, ngan song dom menuac urang  tuk peih tài khoản jeng brei  xác thực angan je di drei. Peih tài khoản điện tử jeng brei hu chứng minh nhân dân song căn cước. Min, dalam tuk vak meng bloh jeng hu dom bruk pachot, pachot di mangaok  mạng piah mek dom thông tin di po  tài khoản song tui jalan tame dom bruk  ngak di Internet banking , piah klaik mek thông tin song klaik mek jien di tài khoản….

Ndom ka bruk ni, Gilang pariak karja njauk pambuak bruk song dom mintri, jabat  chức năng piah duah thau cambaih, piah hu dom thông tin, song abih di nyu nan lac  hu jalan ngak, piah khan brei urang thau dom bruk ni, piah ka urang hu jien dalam tài khoản caik hatai sangka./.

Urang lang: Hanipha- 21/6