Bahrau ini, Pasak daong bruk samar drah không gian mạng Việt Nam – Mintri Thông tin saong Truyền thông taduan hu rilo panuac khan ka bruk “mek angan menuac ngak di gilang pariak ieu phone khan brei thau dom asal kadha pambuak tal thẻ tín dụng piah pachot, klaik mek thông tin piah blah mek drap ar di urang pandar”.

Jalan pachot lac mek angan menuac ngak di gilang pariak ieu phone, nhắn tin ieu da-a peih thẻ tín dụng, thẻ phi vật lý online saong tacei pato urang buh jien tame tài khoản, pandar dom dịch vụ thẻ.

Kol nyu ieu phone likau ngak ayut sahabat, tame kapul nyaom tapa mạng xã hội (Zalo, Telegram…) piah ndom biai nao mai, ieu urang click tame jalan link ja ba tal website ja. Hadei di tuk click tame link ja, urang hu ieu nhập thông tin cá nhân yau ye: Angan, laik thẻ, mã bí mật CVV, harei abih hạn thẻ saong OTP payua mai laik phone, thông tin đăng nhập user saong password tài khoản gilang pariak…

Hadei di tuk tame atau pabak mã OTP, kol bleik nyu meblah mek hu quyền pandar tài khoản gilang pariak saong meblak mek jien di urang.

Harei 11.12, Jabat An ninh mạng saong pacang caga tội phạm pandar công nghệ glaong (PA05) CA TPHCM jeng tabiak harak brei thau bruk bleik saleik ngak ja dom ứng dụng trực tuyến hu pagam mã độc, pachot rahra cài đặt piah klaik mek thông tin gilang pariak, blah mek jien di tuk puac thun.

Kol nyu mek angan menuac ngak di gilang pariak ieu urang ngak tài khoản bahrau, peih thẻ tín dụng piah hu mbang tui bruk ưu đãi piah pachot mek jien. Abih di  nyu nan lac, hu oh takik menuac pagam pambak tame bruk kurang labaih di dom blah mạng điện tử hu jhung lac .gov.vn atau .com.vn piah padang ứng dụng ngak ka urang saheng lac ini ứng dụng di dom blah mạng di jabat Karja.

Tui nan, Jabat PA05 kakei rahra jhui padang dom ứng dụng meng dom blah  web, pabah mbang thông tin gah langiu, njauk pacang veik tài khoản cá nhân, Cty saong khan brei công an thau meyah mboh medil.

Dalam tuk nan, CA ban  Hà Nội hu kakei lac, rahta njauk paglaong hatai sangka anak dom ứng dụng pagul sanya taom gaok online daok jeng bhian randap saong dui pachreih hu rilo menuac tame, abih di nyu lac dom bruk meyut meyau samar drah blaoh laik tame bala di kol bleik saleik./.