Bilan pakacah jai caoh mbanh châu Âu 2024 (Euro 2024) bahrau tamat blaoh jeng lac tuk rahra daok di rilo labik dalam TP. HCM uan tabuan kayua hu mai veik haong joa kandang. Kayua hu biak rilo manuac, abih di nyu nan lac dom urang likei, dalam tuk iek caoh mbanh bhian preo tagok ngak sareng tal dom menuac daok jaik taphia. Oh padeih di nan, kayua kamlah gauk dalam tuk iek, rilo bruk taong gauk kayua caoh mbanh jeng rahtabiak, ba tal kanjah jhak biak trak damak.  

 Luac sa bilan pakacah jai Euro, oh kan piah mboh dom panuac ndom oh siam di mangaok mang xa hoi ka dom mbang caoh mbanh. Ini jeng lac bruk hadei di dom yai pakacah praong dalam taneh ia saong dunya. Dom panuac ndem ini ba tal kamlah gauk, pataom tame ndom jkak dom kapul caoh, dom urang caoh, dom huan luyen vien bo dom urang nan oh takre, ngak pandiak hatai ka rilo urang pandar mạng xã hội.

Ndem tal the thao, sa dalam dom bruk oh siam abih dalam yaok mbang hu jai caoh mbanh nan lac cá độ. Ini lac jalan ma-in mbia saong njauk hukum Việt Nam pakauk me-in.

Thạc sĩ Mai Hoàng Phước, Gru pato di Khoa Luật, Sang bac Đại học Kinh tế - Luật, Đại học Quốc gia TP.HCM brei thau, bruk cá độ caoh mbanh yaom lac jalan ngak halei pak Việt Nam hu maong lac bruk ngak suan adat hukum, hu tacei tabiak di Paka 321 Hukum Hình sự thun 2015. Thạc sĩ Mai Hoàng Phước kakei lac, iek caoh mbanh piah ma-in bui sambai lac bruk biak siam, min njauk plaih atah dom bruk cá độ kayua mbuan gaok bala biak glaong, oh njauk ma-in.

Tui ong Phước, hukum urak ini ka oh ndom cambaih bruk ca do praong atau sit, min ma-in mbia meng 5 triệu đồng meda njauk langyah biak catang. Mayah thei ma-in mbia meng 5 trieu dong tal mala 50 triệu đồng ye bruk ini laik tame Khoan 1 Paka 321 Hukum Hình sự; daok bruk ma-in mbia mala 5 triệu đồng mbang camriep ka oh ngak jeng duas. Min mayah dom urang ini bhian njauk phat jien ka bruk ngak suan ini atau njauk kaoh duas ka bruk peih ma-in mbia, ye bruk nan meda kaoh jeng duas ma-in mbia. Yau nan, yaom 5 triệu đồng lac sa tanut hu makna praong dalam bruk brei thau lac ngak suan pambuak tal bruk cá độ.

Meng bruk cak rok patagok di kong nghe, bruk ca do oh lac rahtabiak tapak di labik iek caoh mbanh bo daok rahtabiak di mangaok online. Rilo menuac, abih di nyu nan lac dom urang ranaih mbuan laik tame bruk tavak sraiy, ba tal hatai sahaneng oh tani tanat, mbuan laik tame dom bruk ngak suan adat hukum. Bruk ca do caoh mbanh oh lac ngak khat lahik tal jien padai bo daok dui tui rilo kanjak jhak biak trak ngan haong manuac ma-in, gauk gar dalam sang saong ka rahra.

Hukum Việt Nam tacei lac ca do caoh mbanh lac piah mbang, lah meng pandap atau meng jien lac jalan ngak di bruk ma-in mbia suan adat hukum. Menuac ca do caoh mbanh suan adat hukum meda njauk taong phat jien, atau kaoh tui gah hình sự, yau hadei di ini:

- Phat jien: tui điểm c khoản 2 paka 28 Sarak 144/2021/NĐ-CP tacei tabiak bruk phat jien meng 1.000.000 đồng tal 2.000.000 đồng ngan haong bruk cá cược suan adat dalam bruk pakacah padhi thể thao, ma-in sambai atau dom bruk ngak karei.

- Gah hình sự: Tui Paka 321 Hukum Hình sự 2015 (hu ramik pasiam tui khoản 120 Paka 1 Hukum pasiam veik Hukum Hình sự 2017) ka duas ma-in mbia./.