Tui luật sư Trần Minh Hùng, Akaok Jabat Luật sư Gia Đình, urak ini hu dua jalan pasang iek, langyah bruk ngak suan gah manyum alak mbia blaoh peih radaih. Nan lac pasang iek di sa labik, pasang iek nao mai. Ngak tui jalan halei lac meng bruk pilih ruah jalan saong bruk rami ramik di gah canh sat jalan mbak.

Meyah pasang iek di sa labik, canh sat jalan mbak brei dut iek định tính dahlau, mayah mboh lac urang peih radaih nan yau manyum alak mbia blaoh, ye brei dut iek định lượng. 

Tui khoản 1 paka 16 Sarak 65 di Mintri Công an, yaom lac urang peih radaih di mangaok jalan oh ngak suan min canh sat jalan mbak jeng hu quyen ieu urang nan padeih radaih piah pasang iek dalam dom bruk yau ini:

- Maong mboh tapak atau tapa dom jameiak pasang iek mboh lac ngak suan adat hukum jalan mbak saong dom bruk ngak suan adat hukum karei karei.

- Ngak tui bruk pasang iek taong abih dom sruh radaih nao mai di mangaok jalan mbak, tui bruk pasang iek, langyah dom bruk ngak suan tui asal kadha hu pakat hu tham quyen brei ngak.

- Hu harak brei ngak di Thủ trưởng, Phó thủ trưởng jabat pasang iek; harak brei ngak di jabat chức năng pambuak tal ka bruk brei padeih radaih piah pasang iek, pabak ka bruk khik kajap an ninh, trật tự, mesuh pacang kol toi pham saong dom bruk ngak suan adat hukum karei karei. Harak nan brei vak cambaih tukvak, jalan, janih radaih ieu padeih piah pasang iek, langyah, kapul hu mbaok tame pambuak bruk.

- Hu panuac khan brei thau di kapul nyaom, manuac urang ka bruk ngak suan adat hukum di manuac urang saong radaih peih nduac di mangaok jalan.

Tuk peih bruk pasang iek, canh sat jalan mbak hu quyen pasang iek bruk ngak njauk tui adat hukum ka jalan mbak saong hukum hu pambuak tal di manuac saong radaih nduac di mangaok jalan piah samar drah duah mboh, pacang cakak, langyah bruk ngak suan.

Meng nan meda ndom lac, canh sat jalan mbak hu quyen ieu urang daok nduac radaih padeih radaih saong yuk nồng độ cồn dalam bruk ngak tui bruk pasang iek atau hu panuac khan brei thau. Tuk CSGT daok peih bruk pasang iek mangaok jalan bo mboh dom bruk ngak suan ye meda ieu urang ndik radaih mac padeih radaih piah pasang iek nồng độ cồn bo oh cang padang bilai pasang iek./.