Rilo labik brei dok karei hu padang ngak chip 

Mesup ini (9/2), Pasak pasang iek ruak kik TPHCM brei thau, ban raya hu gac 2 urang mboh yau njom Covid-19, lac menuac ngak di mblang kapal haoh Tân Sơn Nhất. Dua urang ini hu thau lac njom ruak tuk ban raya daok peih bruk dut iek ka 830 menuac ngak di mblang kapal haoh oh ka hu dut iek dahlau di nan. Yau nan, kuhria tal harei 9/2, di mblang kapal haoh Tân Sơn Nhất hu 7 urang njom SARS-CoV-2.

Hưng Yên hu urang dương tính SARS-CoV-2 camereip. Urang ruak lac likei umo 38 thun, dok di  huyện Yên Mỹ, lac gru pato sang bac Cao đẳng Công thương, di  huyện Cẩm Giàng. Tapa dut iek veik di sang iek ruak Bệnh nhiệt đới Trung ương mesup ni jeng mboh lac urang ruak dương tính song SARS-CoV-2. Gah chức năng jeng duah mboh hu 13 urang F1, 15 urang F2; hu pruh jru pametai anek ruak song padang sdom bilai pasang iek di xã Yên Phú.

MBan Thường vụ Tỉnh ủy Bà Rịa-Vũng Tàu brei padeih cuh phao bingu melam raok thun bahrau Tết Thun sak kubao piah pacang caga jit Covid-19; klaak dom bruk, dom danak dak dahlau, dalam saong hadei Tết hu rilo menuac yau daoh tamia salam uan thun bharau, harei pataom trại tòng quân, taom gaok doanh nghiệp akaok thun... Dreih yau nan, UBND tỉnh Đồng Tháp bahrau tacei brei padeih cuh phao bingu melam raok thun bharau di 3 labik lac: Cao Lãnh, Sa Đéc haong Hồng Ngự; ieu dom puk palei brei padeih dom bruk ngak uan Đảng, uan thun bahrau piah pacang caga jit Covid-19.  Ta-eng jalan bingu tết ban sit Cao Lãnh ngan saong kadha "Thun bahrau haong palei negar" jeng daok hu peih pabah mbang tal harei 16-2 (lac 5 bingun Tết). TP Cao Lãnh brei trun meteh yaom jien pah labik pablei bingu di  darak bingu tết.

Mesup ni (9/2), Công an tỉnh An Giang brei thau lac hu khởi tố vụ án,chap kreik Nguyễn Văn Mỹ song Đỗ Thị Lệ, dok di ban Châu Đốc, ka duas “pajeng ba suan hukum  jien ndua tapa jalan tapen negar” song “pablei salih pandap pakauk”. Nguyễn Văn Mỹ njauk chap mek tuk dok pajeng 86.200 USD tapa jalan tapen negar. Hadei di nan, gah chức năng peih bruk chap chip Đỗ Thị Lệ. Bruk nan dok hu peih prong piah pasang iek.

500 CS hình sự, cơ động, KT pacang vil val ụ nổi di kraong Hậu, tỉnh Vĩnh Long, mboh hu yaok pluh menuac daok lai xăng giả, pataom mek hu labaih 100 tỷ đồng haong rilo pandap. Dom urang nan mesruh veik biak khang, peih kapal praong ginuh tame canô cảnh sát piah nduac. Min taong abih kol nan jeng njauk cap mek abih. Jeng dalam tuk nan, 13 kapul trinh sát karei ba gauk tame dom cây xăng di Đồng Nai, Cần Thơ, Vĩnh Long, Long An, Vũng Tàu, TP HCM... pasang iek, cap mek dom menuac pambuak pagam tal. Cảnh sát hu cap khik 2 kapal tasik 2.500 tấn, 5 sà lan 400-1.000 tấn, 6 radaih pajeng menyek angaok thu, jaik  2,7 triệu lít xăng, 50 sổ bhong taneh riya…

Facebook khan lac ngak khang tangin song tin ja ka vắc-xin pacang Covid-19. Harak asal kadha njauk pakauk angaok mạng xã hội ni hu peih prong, dalam nan hu dom panuac khan suan ka  vắc-xin pacang Covid-19 yau vắc-xin jhak song meda ba tal ruak tự kỷ. Facebook brei thaumeda yah klaak abih dom asal kadha ni angaok  mạng xã hội. Dahlau di nan, dom tin ja ka vắc-xin Covid-19 hu Facebook "patrun" tanut khau tin, takik brei mboh angaok blah khik piah khaw tin di urang pandar. 

Rajaei Anh meda ba tabiak gac dom bruk pasang iek jalan tapen negar catang jang meng adit ini piah pacang cakak dom anek ruak bahrau di virus Sars-CoV-2 njom tame Anh, khik caga danak dak klauk jru pacang caga di negar ini. Tui nan, dom menuac tame negar Anh brei hu tui iek catang, brei daok paatah 10 harei di sang atau di hotel saong hu dut iek 2 mbang dalam tukvak daok paatah nan. Dom urang ilamu gah y tế Anh brei thau, urak ini tok hu 157 urang njom anek ruak bahrau di virus mai meng Nam Phi. Hadei di labaih 1 bilan pacang veik negar, dom urang njaom di negar Anh daok trun.

Karja Ma-rốc harei kabroi brei thau, takik di abih 28 urang metai hadei di tuk hajan khang ngak dauk sa sang mac jhik hu padang ngak suan hukum ala haluk di ban  Tangier. Urak ni oh thau cambaih hu hadom urang dok dalam boh sang dalam tuk rah tabiak ia sua. Gah dong duah  dok di pak ni song sa bruk pasang iek hu peih ngak . Tong abih urang metai dalam umo 20 tal 40 thun. Di Ma-rốc, rilo sang mac jhik menyim song takhaok peih ngak suan hukum  hu padang ala haluk ngan song dom bruk ngak oh siam, oh khik hu salamat./.

Urang lang: Mousaphuong- Hanipha- 9/2