Phó Thủ tướng Vũ Đức Đam, Akaok Ủy ban pakat negar ka urang taha umo glong VN jao ka Mintri Y tế rami ramik song padang khoa Lão khoa dalam dom sang iek ruak, pambuak song BHXHVN piah iek glang prean yava ka urang taha dak harei dak siam jang.

Mintri ilamu Thể thao song Du lịch hu dom jalan pachreih ba, pambak prong dom bruk sinh hoạt, mô hình kalup kapul dong ka urang taha pasram, patagok pren yava song hatai sahaneng, tagok bruk tacei pato, pasang iek bruk patrun yaom harak vé tui quy định song pachreih peih ngak dom jalan ưu tiên karei karei piah ba mbuan lagaih  ka urang hata hu nao rivang main dom labik inem krung sajarak dak rai ilamu, labik mekre meta.

Mintri Lao động - Thương binh song Xã hội quy hoạch song padang ngak dom cơ sở dong gah XH tui jalan peih prong, tagok bruk XH hóa, pambuak song dom jabat pagam bruk pathau khan dalam XH ka kein lagaih di dom cơ sở ni ka dom urang urang taha, boh sang song XH song bruk patagok labik dang di urang umo glong.

Mintri jien padai pambuak bruk song dom mintri, dom gah, dom puk palei song dom kapul nyaom hu pagam bruk, tui iek dom chế độ, sarak pagam tal urang umo taha piah pok panuac brei samar pasiam pabak veik.

Phó Thủ tướng jao ka Ủy ban bangsa jhul pakhang bruk pathau khan, pato pakai adat hukum di bhum urang bangsa takik song bhum ceik pambuak song bruk pathau khan sarak ka urang umo hata, tacei pato, pachreih ba, pasang iek bruk peih ngak sarak ka urang umo taha bhum urang bangsa takik di dom puk palei song pok panuac brei samar pasiam dom sarak bangsa gam song sarak ka urang umo taha.

Phó Thủ tướng caong Trung ương Kapul urang umo glong  Việt Nam duah thau, pok tagok dom pakat hu thẩm quyền ka “Bilan ngak ka urang umo taha”, tapa nan, pambuak song dom mintri, dom gah, puk palei peih ngak. 

Lingiu di nan, kham merat tacei pato, pachreih ba bruk pambak prong mô hình kalup kapul dong ba gauk di urang umo glong, dom mô hình iek glang song patagok labik dang di urang umo taha pagam pambak tame bruk xã hội hóa. 

Tui panuac khan di mintri Lao động - Thương binh song Xã hội, urak ni dalam negar hu labaih 9 triệu 400 ribau urang umo glong, meblah 10,45% menuac sia. Bruk urang umo taha hu peih ngak samar grauk labik di dom mintri, dom gah, dom jabat, dom puk palei.

Tapa pasang iek brei thau tong abih urang umo taha ginup điều kiện mbang trợ cấp ginup song njaku tukvak tui quy định. Urak ni dalam negar hu jiak 2 triệu 800 ribau urang umo hata dok mbang lương hưu, dong BHXH, labaih 1 triệu 500 ribau urang umo taha mbang trợ cấp XH yaok bilan, dalam nan hu jiak 1 triệu 400 ribau urang meng umo 80 tagok song labaih 95.000 urang daok sa drei. 

Bruk iek glang pren yava ka urang umo hata daok hu sangka iek glang. Dalam negar hu 49/63 tỉnh, ban padang khoa Lão khoa dalam sang iek ruak đa khoa pakat tỉnh, 270 khoa iek ruak hu balik karei atau hu labik iek ruak karei ka urang umo taha, jiak 5.600 papan iek ruak nội trú brei ka urang umo hata, labaih 2 triệu 300 ribau urang umo glong hu iek ruak yaok bilan.

Dom tỉnh ban hu peih ngak Hukum urang umo taha song dom sarak ka urang umo taha. Dom tỉnh peih ngak siam mô hình thể dục, dưỡng sinh, văn hóa, văn nghệ, bruk iek glang pren yava ka urang umo taha , mo hình “Kalup kapul dong ba gauk” ba mai siam merke ka urang umo taha song bhap bini yau dom tỉnh: Thái Nguyên, Thanh Hóa, Hải Dương, Quảng Bình, Hà Tĩnh…Dom pakat kapul nyaom urang umo glong jhul pakhang bruk pakacah gauk anit ranam taneh ia. “Umo prong hadah krah” song dom bruk ngak siam, patagok bruk ngak di urang umo hata dalam rilo bruk ngak karei karei, rik dong dalam bruk salih bahrau, patagok KTXH, patruh eik patrun kathaot, padang rai duik ilamu, pachreih bac, pachreih megru./.