Piah daong ka mikva urang nong iek glang phun pala, khik iek siam bruk jit ruak angaok mblang hamu di urang nong daok pak bhum taneran kraong Cửu Long. Dalam kadha: “Urang nong ngak hamu caong thau” harei ini, daa mikva saong taong abih gauk duah thau saong ba ilamu khik iek jit ruak angaok mblang hamu tame bruk pala drak piah mek hu kein laba..

Ngan haong phun padai:

Darak khak pachreih njauk tukvak, darak ginup khak N-P-K; patagok bruk iek glang mblang padai darak hadei, abih di nyu nan lac pataom tame iek glang dom laok hamu njauk bọ trĩ, ruoi đục ngak khut trak, hamu njauk metham lakhur takik  dinh dưỡng...

 Khik iek siam hareik angaok mblang hamu

- Ngan haong njam patam: Dom phun pala tuk daok sit piah daong ka gha tamuh siam, njauk kuac pasoh taneh gam haong buh khak pachreih ka nyu njauk tuk. Tuk  kuac pasoh taneh, jhui ngak brei khut gha saong got kayau piah plaih njaom mbak dom janih bimao dalam taneh saong vi khuẩn ngak khut. Takac jalan tathuak aia piah plaih bruk dauk ia tuk hu hajan prong, patrun patakik ruak bruk gha. Cakak dhar, cataik hala taha, hala njauk halak mbang piah ba laneng lanoi ka laok hamu, patakik ruak pambak prong.

Jalan khik iek jit ruak:

Bhian tabiak hamu rivang piah samar mboh dom janih jit ruak. Ngak tui jalan “3 trun, 3 tagok” angaok phun padai (nan lac: trun pajaih, khak drak, jru khik caga phun pala; tagok năng suất, sản lượng, kein laba) pambuak haong bruk pandar pajaih padai xác nhận piah patagok kein laba bruk pala drak saong pacang caga rầy nâu.

Ngak tui dom jalan angaok nan oh lac ngak karei yaok jalan bo brei ngak taong abih dom jalan ngak nan.

Mikva urang nong njauk caik hatai tal dom jalan ngak yau hadei di ini:

Ka sa palih ruah pajaih padai:

     Njauk palih ruah pajaih yau ini:

- Palih ruah pajaih siam: lac pajaih hu năng suất chất lượng glaong, hu pren pacang halak halin jit ruak saong brei ralo padai brah.

- Pajaih padai brei lagaih haong bilan ngak, taneh riya saong  ilamu pala drak di urang nong daok pak yaok puk palei./.