Urang nong: Pathau thạc sỹ khin pala tarak cove ye brei palih pajaih yau halei?

Thạc sỹ: Hu dua janih ratak cove

Pajaih ratak cove Đài Loan asar juk kayua công ty Pajaih phun pala gah meraong palih ruah saong ngak tabiak. Pajaih ini diuk hu di pandiak, pacang ruak hu siam, pala di bhum taneran jeng yau di bhum glaong, paik baoh meng 50 tal 55 harei hadei di tuk pala.

Pajaih ratak co ve Thái (Chiatai) brei baoh hijao juk, atah 14 tal 16cm, baoh ratak yamen bingi, lagaih saong bhum langik pandiak, meda pala hu luac thun.

Urang nong: Pathau thạc sỹ, ilamu ky thuat pala ratak, harei bilan pala, bruk ngak taneh, trun pajaih yau halei?

Thạc sỹ: Bhum taneran kraong Cuu Long meda pala ratak cove hu luac thun di taneh apuh, min bilan pala praong lac bialn Đông Xuân trun pajaih di bilan 11 -12 saka ia bilan, tuk nan langik la-ar lahei lagaih tabiak bingu brei baoh, brei năng suất glaong abih. Bilan Hè - Thu njauk trun pajaih aval di akok bilan hajan lac bilan 5 saka ia harei, kayua suai drak gaok hajan rilo mbuan njom ruak nan ye brei takik baoh.

Palih ruah taneh tanu tambok, mbuan tathuak ia, li-ua siam saong ngak hacih hareik; dom labik taneh biar atau pala di bilan hajan brei pok ro glaong piah tathuak ia. Njauk pala sa talei agaok ro, talei ini atah talei diah meng 1,2 tal 1,4m. Pala sa talei yau nan tukvak paik baoh nyu dui atah jang dut saong pala dua talei saong mbuan tui iek, lubang ini atah lubang diah meng 20 tal 25 cm, yaok lubang caik 2 tal 3 phun. Pala ratak cove abih di nyu nan lac dalam bilan hajan brei me-om taneh meng blah plastic piah phun takik njauk ruak saong brei rilo baoh.

          Urang ngak nong: Biak thau dhar phol./.