Dalam kadha “urang ngak hamu caong thau” harei ini, kol hulin likau khan brei thau dom kadha piah thau saong piah pacang tamun ia nyu phik, da-a mikva saong taong abih gauk tui pang.

Makna ngak brei tamun ia nyu phik nan kayua buh rilo khak đạm ngak ka phun tamuh tah rilo, baoh tabiak oh njauk talei, ngak ka baoh tabiak di dhar atau labik phun limin ye baoh nyu phik.

Tuk lingik takik pandiak, nhiệt độ biar, gha tamun ia nyu takik njom ia saong takik njom chất dinh dưỡng ngak ka baoh nyu suai praong, gha phun saong saong kadak nyu pataom rilo janih phik, ngak ka baoh tamun ia nyu phik tui.    

Kurang ia, pandiak thu dalam suai livik meng tuk pala tal tuk paik baoh tamun ia nan lac meng 25 tal 30 harei. Dahlau di tuk paik baoh tamun ia, urang bhian pacang ia di hamu pala, meyah tukvak pacang ia livik harei jeng meda ngak ka baoh tamun ia nyu phik.

Jalan pacang cakak: Dahlau di abih njauk pilih ruah dom pajaih tamun ia takik phik. Tuk pala njauk khik nhiệt độ ka tamun ia, tukvak asar ndaih meta mbiah tal tuk tabiak bingu brei khik nhiệt độ labaih 13^oC, hadei di tuk phun tabiak baoh brei khik nhiệt độ di tanut ala 32^oC; brei gam gam tuh ia, jhui caik ka phun nyu kurang ia, pacang ia dalam tuk paik baoh jeng brei iek ka nyu lagaih, njauk pabak khoáng chất brei phun, tuk buh khak Natri, phốt pho, kali brei mbiah, ginup, jhui buh biak rilo atau biak takik, hadei di tuk phun tamuh praong brei pruh khak đạm tagok hala piah khik ka phun tamuh siam, ye baoh oh phik./.