Pathau mikva urang ngak nong!

Urak ini di tỉnh Vĩnh Long, bei li-u hu mikva urang nông pala dak harei dak ralo tui jalan ba phun njam patam trun hamu, yah klaak bruk pala sa janih phun padai. Dalam kadha “Urang ngak hamu caong thau” harei ini, kol dahlak likau khan brei mikva saong taong abih gauk thau ilamu pala bei li-u saong jalan pacang cakak jit ruak ka phun bei ini.

Janih taneh piah pala bei li-u, jalan ngak taneh, buh khah saong iek glang.

Phun bei li-u biak mbuan pala, oh pilih ruah taneh saong meda pala hu luac thun. Min bilan pala praong lac hadei di tuk yuak padai đông xuân bloh; di bilan 2 – bilan 3 tui saka ia bulan mikva meda ramik taneh, ngak ro piah trun pajaih bei saong jaik 6 bilan hadei lac thu hoạch.

Ngak taneh: Taneh pala bei li-u brei ngak siam piah palahik dom mầm bệnh hu dalam taneh saong ngak brei taneh tasoh. Brei ngak ro glaong piah daong palagaih ka bruk pruh ia saong tathuak ia siam tuk hu hajan ralo.

Phun bei yau dom janih phun pala karei, bruk buh khak ka bei li-u mikva urang nông jeng randap buh labaih đạm, ngak brei oh samu gauk dom janih khak đạm – lân – kali (NPK), ba tal patrun kein laba, bo daok ngak brei tamuh ralo halak halin palai kaik. Kayua yau nan ye, iek tui yaok janih taneh saong iek tui phun tamuh yau habar bo buh khah ka nyu lagaih. Tui panuac karei di dom urang chuyên môn, mikva brei buh khah ka phun bei li-u tui tỷ lệ: 100 đạm (N) – 90 lân (P2O5) – 90 kali (K20) saong rabha jeng ralo mbang buh samu saong yaok tukvak praong tagok di phun bei.

Meyah iek glang oh siam phun bei mbuan njauk halak palai kaik, ngak patrun năng suất. Kayua yau nan ye mikva brei pasang iek gam gam piah samar mboh halak halin saong hu jalan pacang cakak chip. Dalam luac tukvak tamuh praong di phun bei meda hu ralo janih halak palai kaik. Dalam nan njauk caik hatai di abih lac halak hijao, halak mbang tạp, rệp sáp… Brei pruh jru pacang cakak chip, oh caik ka nyu tamuh tabiak ralo saong palai kaik trak, tuk nan bruk pacang cakak biak kan kandah. Tuk pandar jru khik caga phun pala, brei pandar dom janih jru hu chất kết dính piah pacang cakak halak halin hu siam lagaih jang.

Jalan pacang cakak halak halin angaok phun brei li-u:

Bruk pacang cakak halak halin angaok phun bei li-u meng jru khik caga phun pala, mikva brei andar njauk jru, njauk tukvak, njauk kỷ thuật saong brei pruh di tuk biar harei lingik li-an … ye bruk pacang cakak halak halin meng hu kein laba glaong. Bruk njauk caik hatai nan lac tuk pacang cakak halak halin meng jru hóa học brei salih ralo janih jru karei di gauk, piah patrun bruk kháng jru di halak halin, saong brei khik kajap tukvak cách ly meng 7 tal 10 harei dahlau di tuk thu hoạch, piah khik siam mekre ka urang blei mbang./.